У Турцыі павалілася нафтавая вышка
- 21.07.2024, 20:50
- 3,402
![У Турцыі павалілася нафтавая вышка](https://i.c97.org/p/articles/2015/ai-148651-aux-head-20150423_turcyja_new_360_t.jpg)
Адзін загінулы, двое пацярпелыя.
У нядзелю на паўднёвым усходзе Турцыі адбылося падзенне нафтавай свідравой устаноўкі, у выніку чаго адзін працоўны загінуў і яшчэ двое атрымалі раненні.
Пра гэта паведамляе AFP.
Аварыя адбылася на свідравой пляцоўцы ў раёне гары Габар у правінцыі Сірнак, дзе большасць насельніцтва складаюць курды.
Паводле словаў губернатара Джэўдэта Атая, які выехаў на месца здарэння, на месцы было знойдзенае цела інжынера, які апынуўся пад заваламі.
«Іншага свідроўніка выратавалі адразу пасля аварыі і даставілі ў лякарню гелікаптэрам», – паведаміў офіс Атая ў X (Twitter), а яшчэ адзін працоўны выжыў, атрымаўшы лёгкія раненні.
Ва ўстанове дадалі, што ўлады распачалі расследаванне. Турэцкая нафтавая карпарацыя пачала свідраванне нафты ў гэтым рэгіёне ў 2022 годзе.