У Гародні мужчына катаўся на самакаце з касой у руках
6- 15.07.2024, 21:49
- 14,528
![У Гародні мужчына катаўся на самакаце з касой у руках](https://i.c97.org/ai/343152/aux-head-1564502282-20190730_electrosamokat_360.jpg)
Што было далей.
У Гародні мінакоў палохаў хлопец на самакаце з касой. Высветлілася, мужчына быў п'яны, паведамляе УУС Гарадзенскага аблвыканкама.
У ноч з нядзелі на панядзелак на вуліцы Белуша заўважылі дзіўнага персанажа. Мужчына катаўся на самакаце з касой у руках. Пры гэтым ён напалохаў маладых людзей. Тыя выклікалі міліцыю, самакатчыка затрымалі.
«У выдыханым паветры ў яго зафіксавана 2,6 праміле алкаголю», – расказалі ў міліцыі.
Ягоным дзеянням паабяцалі даць прававую адзнаку.