Ці можна з гаўбца зрабіць кухню ці пакой?
30- 15.07.2024, 21:21
- 15,910
![Ці можна з гаўбца зрабіць кухню ці пакой?](https://i.c97.org/ai/602984/aux-head-1721067701-20240101_czajaka_120.jpg)
У ЖКГ растлумачылі.
Што трэба ведаць, калі вы сабраліся перарабіць гаўбец ці лоджыю пад кухню, расказалі ў ГА «Менская гарадская жыллёвая гаспадарка».
Калі коратка – зрабіць жылы пакой нельга, склеп – можна, але гэта запатрабуе намаганняў і часу.
Ёсць палажэнне аб умовах і парадку пераўладкавання і (або) перапланіроўкі ад 16 траўня 2013 года № 384, зацверджанае ўрадам. Згодна з дакументам, забараняецца пераўладкаванне гаўбцоў і лоджый у ацепленыя памяшканні. Выкананне гэтага кшталту працаў прывядзе да парушэння параметраў працы сістэмы ацяплення праз змену плошчы ацепленага памяшкання.
Што тычыцца таго, ці можна зрабіць «склеп» для захоўвання гародніны пад гаўбцом (лоджыяй) на першым паверсе з уладкаваннем доступу ў гэтыя памяшканні з гаўбцоў і лоджый пасяродкам люкаў, то такія працы адносяцца да працаў рэканструкцыі і патрабуюць не толькі дазволу мясцовага выканаўчага і распарадчага органа, але і распрацоўкі праектнай дакументацыі, яе ўзгаднення і праходжання дзяржаўнай экспертызы ў вызначаным парадку.