У Польшчы знайшлі жывым шахцёра, які больш за два дні быў заблакаваны пад зямлёй
1- 13.07.2024, 21:55
- 4,902
![У Польшчы знайшлі жывым шахцёра, які больш за два дні быў заблакаваны пад зямлёй](https://i.c97.org/ai/602743/aux-head-1720896877-20240713_ratauniki_360.png)
Ён знаходзіўся на глыбіні амаль 1200 мэтраў.
У Польшчы ратавальнікі ў суботу знайшлі жывым шахцёра, які больш за два дні правёў пад зямлёй праз аварыю, якая адбылася ў чацвер раніцай.
Пра гэта паведамляе RMF FM.
32-гадовы шахцёр быў прытомны, калі ратавальнікі дабраліся да яго. Ён знаходзіўся на глыбіні амаль 1200 мэтраў.
«Мужчына жывы», – паведамілі ў Сілезскім ваяводскім упраўленні ў Катавіцы.
На шахце знаходзіцца гелікаптэр, які даставіць яго ў шпіталь.
Прэзідэнт Польскай горназдабыўной групы Лешэк Петрашэк паведаміў, што выратавальныя работы праводзіліся з выкарыстаннем усіх магчымых сродкаў эфектыўна і рэзультатыўна.
У мерапрыемствах узялі ўдзел 84 каманды ратавальнікаў.
Моцны высокаэнэргетычны штуршок на шахце каля польскага горада Рыдултовы адбыўся ў чацвер раніцай на глыбіні амаль 1200 метраў пад зямлёй.