ЗША ўвялі санкцыі супраць кіраўніцтва «Лабараторыі Касперскага»

Пад абмежаванні патрапілі 12 чалавек.

ЗША ўключылі ў санкцыйны спіс топ-мэнэджараў расейскага распрацоўніка праграмнага забеспячэння «Лабараторыі Касперскага», паведамляе амерыканская Управа кантролю за замежнымі актывамі.

Пад абмежаванні патрапілі 12 чалавек:

выканальны дырэктар кампаніі Андрэй Ціханаў,

дырэктарка працы з персаналам Марына Аляксеева,

дырэктар даследаванняў і распрацоўкі Антон Іваноў,

намеснік гендырэктара ў стратэгіі і эканоміцы Данііл Баршчоў,

дырэктар ў юрыдычных пытаннях Ігар Чакуноў,

дырэктар развіцця бізнэсу Андрэй Яфрэмаў,

выканальны віцэ-прэзідэнт спажывецкага бізнэсу Міхаіл Гербер,

кіроўная дырэктарка ў Расеі і краінах СНД Ганна Кулашова,

выканальны віцэ-прэзідэнт карпаратыўнага бізнэсу Кірыл Астрахань,

кіраўнік дэпартамента карпаратыўных камунікацый Дзяніс Зенкін,

віцэ-прэзідэнт, дырэктар дэпартамента перспектыўных тэхналогій Андрэй Духвалаў,

дырэктар развіцця KasperskyOS Андрэй Сувораў.

Напярэдадні Мінгандлю ЗША забараніла продаж і выкарыстанне антывіруснага ПЗ «Лабараторыі Касперскага». Ва ўстанове адзначылі, што кампанія мае цесныя сувязі з урадам Расеі і яе дзейнасць уяўляе пагрозу для бяспекі ЗША і яе грамадзянаў.

Вашынгтон мяркуе, што «Лабараторыя Касперскага» можа красці канфідэнцыйную інфармацыю з амерыканскіх кампутараў, усталёўваць шкоднаснае ПА або хаваць крытычныя абнаўленні, гаварыла крыніца, знаёмая з сітуацыяй.