П'яны жыхар Бараўлян зладзіў страляніну

З самаробнай стрэльбы.

У Бараўлянах мясцовы жыхар выпіў, а потым выйшаў на двор і пачаў страляць у паветра са стрэльбы, паведамілі ў прэс-службе ГКСЭ.

Супрацоўнікі, якія прыбылі на месца, высветлілі, што 57-гадовы мужчына раней набыў самаробную стрэльбу. Зброю канфіскавалі і накіравалі на экспэртызу.

Прадстаўлены прадмет, паводле слоў экспэртаў, выраблены самаробным спосабам, з'яўляецца агнястрэльнай зброяй і прыдатны для стральбы адзіночнымі стрэламі метадам раздзельнага зараджання.

Паводле факту набыцця і выкарыстання зброі праводзіцца праверка.