Палітвязень Аляксандр Ярашук абраны ў раду МАП

Дэлегаты канферэнцыі працы заклікалі вызваліць усіх прафсаюзных лідараў.

Палітвязня, лідfра Беларускага кангрэса дэмакратычных прафзвязаў (БКДП) Аляксандра Ярашука абралі ў Адміністрацыйную раду Міжнароднай арганізацыі працы (МАП). Гэта адбылося на 112-й Міжнароднай канферэнцыі працы ў Жэневе, паведамляюць праваабаронцы «Вясны».

Ярашука выбралі на пасаду намесніка чальца Адміністрацыйнай рады МАП ад працоўных.

Падчас пасяджэння дэлегаты надзелі футболкі з яго выявай і лозунгам «Вызваліце прафсаюзных актывістаў».

Праваабаронцы нагадваюць, што адным з патрабаванняў МАП да Беларусі, прынятых летась, было вызваленне прафсаюзных лідараў, у тым ліку старшыні БКДП.