Святлана Ціханоўская сустрэлася з генеральным сакратаром NATO

Яна таксама выступіла перад Паўночнаатлантычнай радай.

Генеральны сакратар NATO Енс Столтэнберг прывітаў Святлану Ціханоўскую ў штаб-кватэры NATO для абмену думкамі. Ціханоўская таксама выступіла перад Паўночнаатлантычнай радай.

Столтэнберг высока ацаніў мужнасць і лідарскія якасці Ціханоўскай у адстойванні дэмакратыі і правоў чалавека ў Беларусі. Ён выказаў занепакоенасць у сувязі з аднаўленнем рэпрэсій з боку рэжыму Лукашэнкі ў дачыненні да апазіцыі і грамадзянскай супольнасці. Генеральны сакратар зноў заявіў, што народ Беларусі мае права жыць ва ўмовах свабоды і дэмакратыі.

Генеральны сакратар таксама абмеркаваў супрацьдзеянне Ціханоўскай размяшчэнню расейскай ядзернай зброі на тэрыторыі Беларусі. «Менск чыніць падтрымку, якая выконвае важную ролю для Расеі, дае тэрыторыю ды інфраструктуру расейскім войскам для нападу на Украіну і прадаўжэння агрэсіўнай вайны», – сказаў ён. Краіны NATO заклікалі Беларусь спыніць суўдзел у вайне, развязанай Расеяй, і выконваць нормы міжнароднага права. Акрамя таго, краіны NATO асудзілі абвешчаны Расеяй намер размясціць ядзерную зброю і комплексы, аснашчаныя ядзернай зброяй, на тэрыторыі Беларусі.