«Кім трэба працаваць, каб арэндаваць кватэру ў Менску?»

Беларуска абурылася коштам на арэнду - ёй адказалі.

Блогерка з Менска Карына nikishkarina надумала разабрацца, як арандаваць жыллё ў Менску, калі вы не праграміст і не багаты спадчыннік.

Дзяўчына зняла эмацыйнае відэа, у якім прыйшла да высновы, што для арэнды студыі патрэбна мінімум 1 000 даляраў: па 300 даляраў на заклад і аплату за першы і апошні месяц плюс 100 даляраў на перавоз рэчаў.

У канцы яна пытаецца: а кім вы ўвогуле працуеце, што можаце сабе гэта дазволіць?

Увагу на допіс звярнуў CityDog.

Публікацыя набрала больш за 1000 каментароў - праўда, амаль усе яны не зусім па справе. Часцей за ўсё людзі проста асуджалі жаданне пераехаць у Менск ды яшчэ і ў цэнтр:

«Смешна слухаць, калі прыязджаюць з правінцыйных гарадоў і гавораць аб тым, каб арэндаваць кватэру «ў больш-менш прыстойным раёне». Вы паспелі зорку злавіць пры пераездзе ў плацкарце?» — абураецца chernikaksusha.

«У нармальным раёне Менска? Гэта як? У нас ёсць чорныя банды? У нас мексіканцы разгульваюць пад наркотай? Шабаны - гэта ўжо не крута? З якіх вы вёсак з'ехаліся ў Менск?» — не вельмі ветліва запытвае paulik883.

«Вось такія патрабаванні ў сённяшняй моладзі… Усё і адразу, не паспеўшы ад глухой вёскі ад'ехаць», – пераймаецца lucya1514.

«Бюджэт не сыходзіцца - значыць, не «студыя прыгожая, як хочацца», а на колькі стае. Старэнькая кватэрка. Або пакой. Найлепшы варыянт пакоя - гэта трохпакаёўка ў складчыну з сябрамі-знаёмымі. Такое жыццё. Яно не заўсёды супадае з нашымі жаданнямі», - упэўнены tony_y42.

«А чаму студыю? А чаму адразу не пентхаус? Здымайце пакой у бабулькі і збірайце», - яхіднічае natalia202317.

«Зніміце сабе пакой на «Аўтазаводскай» і плаціце па 20 даляраў. Калі не лічыць сябе зоркай года, то можна нармальную аднапакаёўку проста ў цэнтры за 160 даляраў арэндаваць у пяціпавярхоўкіках старэнькіх. Калі не адчуваць лішняга пафасу, тады галава працуе на выгаду і мэту, а не на пахваліцца пра раёны і студыі. Выбачайце», - просіць прабачэння veseloshah2021.

Мянчанка працягвала ўпарціцца і высветліла, што ў сталіцы ёсць смеццявозчык з заробкам 3000 рублёў.

Далей - больш. Карына адправілася на вуліцы Менска на пошукі тых самых людзей, якія зарабляюць 2800 рублёў. Пошукі былі нядоўгімі: сустрэты на вуліцы кіроўца смеццявоза прызнаўся, што атрымлівае блізу 3000 рублёў за месяц. Праўда, у роліку дзяўчына відавочна агаворваецца: яна называе такі заробак мінімальным па Менску, хаця на справе ўсё ідзе крыху інакш.

Месячны мінімальны заробак у Менску - 626 рублёў. Сярэдні заробак жыхароў Менска, паводле звестак лютага 2024 года, — 2 768 рублёў.

На гэты раз каментатары спрабавалі пераканаць дзяўчыну ў тым, што мужчына ёй нахабна схлусіў - ці то пад страхам звальнення, ці то проста так. А вось сайт Rabota.by кажа, што незнаёмец зусім не хлусіў.

А колькі атрымліваюць іншыя менчукі?

На адным толькі смеццевозчыку дзяўчына надумала не спыняцца і правяла апытанне сярод сваіх сяброў. У іх, на жаль, лічбы былі значна больш сціплымі: так, артыстка балета і повар атрымліваюць па 1400 рублёў, спецыяліст у працы з кліентамі ў сферы турызму — ад 930 да 1300, афіцыянт — ад 800 рублёў.

У каментарах зноў завязалася спрэчка: хтосьці сцвярджае, што і агучаныя лічбы - гэта яшчэ нядрэнна, а хтосьці, наадварот, кажа, што ўся справа ў маладосці і нявопытнасці: маўляў, вось падрастуць твае сябры, набяруцца досведу - і іх чакаюць залатыя горы.

Так што Карына прадоўжыла свой эксперымент - але ўжо з мінакамі.