Палітолаг: Расея жыве ў фантомных болях

Эксперт пацвяліў пуцінскую аб'яву ў вышук Зяленскага.

МУС Расеі 4 траўня абвясціла ў вышук украінскага прэзідэнта Уладзіміра Зяленскага. Такія дзеянні Крамля сведчаць аб спробе Расеі хоць неяк сябе ўзвялічыць, бо іх наступальныя дзеянні на фронце да 9 траўня не былі паспяховымі.

Такое меркаванне «24 каналу» выказаў украінскі палітолаг Мікалай Давідзюк, заўважыўшы, што падаючы ў вышук Зяленскага, Крэмль спрабуе абмежаваць нашае міжнароднае супрацоўніцтва. Расеяй кіруе агонія і зусім не разумны сэнс.

Што кіруе расейцамі

Палітолаг успомніў абсурдныя спробы расейцаў «узяць Кіеў за 3 дні» і больш раннія пошукі Зяленскага, але нешта пайшло не так. Расейцамі кіруе агонія, адсутнасць перамог да Велікодных свят і 9 траўня.

- Усе гэтыя мэты, якія яны сабе ставілі, ім не па зубах, ну а чымсьці ж «самую пісьменную» нацыю ў свеце карміць трэба, акрамя таннага алкаголю, - адзначыў Давідзюк.

На думку палітолага, такія дзеянні Крамля з'яўляюцца мэсэджам да Глабальнага Поўдня са спробай пераканаць краіны не ехаць на Саміт міру ў Швэйцарыю, бо Зяленскі ў вышуку. Таксама гэта з'яўляецца дэманстрацыяй таго, што расейцы ўжо зразумелі, што захапіць Кіеў, дзе ёсць прэзідэнт Украіны, яны не здолеюць, таму абвясцілі яго ў вышук, бо тады ён «не зможа» выязджаць за межы краіны.

- Расея жыве ў нейкіх прывідных, фантомных болях, што калі яны пададуць у вышук, то мы не зможам мець замежнае прадстаўніцтва, як краіна, - дадаў Давідзюк.

Патрабаваць нешта ад Уладзіміра Пуціна, які доўгі час сядзіць у бункеры, нельга нічога. Са слоў палітолага, акурат на гэтым прыкладзе можам убачыць эксперымент, што здараецца з чалавекам, калі вельмі доўга не выходзіць на свежае паветра.

- Украіну гэта толькі пацешыць, Зяленскі наадварот гэтым скарыстаецца, - адзначыў Давідзюк.

Цяпер, на думку палітолага, трэба, каб гэты спіс вышуку быў прызнаны Эмануэлем Макронам, Джо Байдэнам, Енсам Столтэнбэргам і самае галоўнае - Борысам Джонсанам і Дэвідам Кэмеронам.

- Кэмерон жа прывёз вельмі каштоўную пастанову - дазвол біць па Расеі. Таму чакаем працягу спісу - вішліст, які ніколі не спраўдзіцца, - пракаментаваў Давідзюк.