Пад Харкавам загінуў лукашэнкаўскі спецназавец
34- 27.05.2024, 9:05
- 25,940
![Пад Харкавам загінуў лукашэнкаўскі спецназавец](https://i.c97.org/ai/596586/aux-head-1716789901-20240525_akupant_rb_360.png)
Ён ваяваў на баку РФ.
Аб смерці спецназаўца Руслана Нікіціна, які паехаў ва Украіну ваяваць на баку Расеі, паведамілі ў сацыяльных сетках. Загінуў беларус блізу двух тыдняў таму пад Харкавам.
Як стала вядома “Нашай Ніве”, Руслан нарадзіўся ў Лідзе і скончыў школу №9. У школьныя часы сябры далі яму мянушку "Камуфляж".
Тэрміновую службу праходзіў у выведцы спецназа ў 5-й асобнай брыгадзе спецыяльнага прызначэння.
Знаёмыя Руслана сцвярджаюць, што ён даўно ажаніўся з расейкай, паехаў жыць на ейную радзіму і нават атрымаў расейскі пашпарт.