Расейцы актыўна выводзяць караблі з Крыма
1- 26.05.2024, 21:48
- 5,894
![Расейцы актыўна выводзяць караблі з Крыма](https://i.c97.org/ai/596563/aux-head-1716749281-20240101_flot_360.jpg)
Караблі пераводзяць у Краснадарскі край і Новарасійск.
Расейцы актыўна перамяшчаюць караблі Чарнаморскага флоту з часова акупаванага Крыма. Пра гэта распавёў начальнік Цэнтра стратэгічных камунікацый сіл абароны поўдня Украіны Зміцер Плецянчук у эфіры «Эспрэса» 26 траўня.
- Цяпер магу пацвердзіць, што два ракетныя катары Чарнаморскага флоту РФ пераходзяць з пункта базавання ў часова акупаваным Крыме. Да гэтага яшчэ пяць суднаў перамясціліся з паўвыспы. Сярод іншага супрацьмінныя тральнікі. Перамяшчаюцца яны ў розныя лакацыі, - сказаў Плецянчук.
Паводле ягоных слоў, акупанты пераводзяць караблі ў Краснадарскі край, а таксама ў Новарасійск.
- У моры іх суправаджае падлодка, якая не з'яўляецца носьбітам крылатых ракет. Таму сітуацыя стабільная. Акупанты стабільна пакідаюць часова акупаваны Крым. Гэтым разам яны надумалі пакінуць паўвыспу надводным спосабам, а не прамацаць дно дзесьці ў гавані Севастопаля, - заявіў Плецянчук.