Ілля Шкурын скончыў сезон другім бамбардзірам у чэмпіянаце Польшчы ў футболе.
2- 25.05.2024, 21:09
- 2,692
![Ілля Шкурын скончыў сезон другім бамбардзірам у чэмпіянаце Польшчы ў футболе.](https://i.c97.org/ai/596463/aux-head-1716660899-20240525_shkurin_360.png)
ФОТА: ФК «СТАЛЬ» (МЕЛЕЦ)
Беларус забіў 16 галоў.
Сёння завяршыўся апошні тур Экстракласы – наймацнейшага дывізіёна чэмпіянату Польшчы.
25 траўня «Сталь» з горада Мелец, за якую гуляе беларус Ілля Шкурын, саступіла ў гасцях клубу «ЛКС Лодзь» – 2:3. Шкурын забіў з пенальці. Яго каманда заняла 11-е месца з 18, набраўшы 43 балы.
На рахунку 24-гадовага беларуса 16 забітых мячоў і 5 галявых перадач. Ён стаў другім у спрэчцы бамбардзіраў – у Эрыка Экспазіта 18 галоў.
Раней Шкурын гуляў за кіеўскае «Дынама», польскі «Ракаў», «Дынама» (Брэст), «Энэргетык-БДУ» і «Віцебск».
Як паведамляў Charter97.org, Шкурын адмовіўся ехаць у нацыянальную каманду, пакуль ва ўладзе Лукашэнкі.