У Менску знайшлі чатырохпакаёвую кватэру з незвычайнай планіроўкай і інтэр'ерам
8- 24.05.2024, 21:17
- 12,212
![У Менску знайшлі чатырохпакаёвую кватэру з незвычайнай планіроўкай і інтэр'ерам](https://i.c97.org/ai/596352/aux-head-1716574056-20240101_pioli_360.jpg)
Кухня для Ван Гога?
Здаецца, уладальнікі гэтай кватэры вельмі любяць Ван Гога. А як інакш растлумачыць, што іх кухня аформленая ў часта выкарыстаных мастаком колерах – жоўтым, цёмна-сінім? Яшчэ і сланечнікі на сцяне – намёк, няйначай! Аднак смелая кухня – гэта не адзінае, чым адметнае гэтае жыллё, піша «Анлайнер».
![](https://i.c97.org/ai/596352/aux-1716574076-1.jpg)
![](https://i.c97.org/ai/596352/aux-1716574076-2.jpg)
![](https://i.c97.org/ai/596352/aux-1716574076-3.jpg)
Напрыклад, тут не самая звычайная планіроўка, у якой спалучаецца адразу некалькі геаметрычных фігураў – квадрат, прастакутнік і трыкутнік. У іх атрымалася ўпісаць чатыры пакоі, кухню, раздзельны санвузел. Усё разам займае 86,5 кв. м.
![](https://i.c97.org/ai/596352/aux-1716574076-4.jpg)
Кожнае памяшканне мае свой пэўны стыль. Кухня атрымалася эксперыментальна-яркай, гасцёўня – класічнай (з разьблёнай мэбляй і падсвечнікамі з пазалоты). Спальня і гасцявы пакой захавалі сляды ўзорнага еўрарамонту, а дзіцячы каляровай гамай крышачку аддае Правансам. Увогуле, тут пануе свая атмасфера.
![](https://i.c97.org/ai/596352/aux-1716574076-5.jpg)
![](https://i.c97.org/ai/596352/aux-1716574076-6.jpg)
![](https://i.c97.org/ai/596352/aux-1716574077-8.jpg)
Знаходзіцца чацвёрка ў панэльным доме 1986 года на вуліцы Арлоўскай. Цяпер яна прадаецца: уладальнікі хочуць за яе $103 000 паводле курсу.
![](https://i.c97.org/ai/596352/aux-1716574077-9.jpg)
![](https://i.c97.org/ai/596352/aux-1716574077-11.jpg)
![](https://i.c97.org/ai/596352/aux-1716574077-12.jpg)
![](https://i.c97.org/ai/596352/aux-1716574077-13.jpg)