Лукашэнка пагражае ЗША

Дыктатар абвінаваціў Вашынгтон у катастрофе верталёта з прэзідэнтам Ірана.

Аляксандр Лукашэнка ўспаў на ЗША праз смерць прэзідэнта Ірана Эбрахіма Раісі.

«Як чалавек, а не як прэзідэнт, скажу, што агідная, агідная пазіцыя ЗША прывяла да гэтага. Я маю на ўвазе найперш санкцыі. Гэтыя нягоднікі не мелі права ўводзіць санкцыі супраць суднаў, супраць самалётаў, верталётаў, на якіх перавозяць людзей», - заявіў ён на прэс-канферэнцыі.

«Яны ж забаранілі яго абслугоўваць (верталёт Раісі - заўв.) сваім кампаніям. Таму ў гэтым іх віна ў тым ліку», - сказаў узурпатар.

Таксама дыктатар прыстрашыў адказам Вашынгтону.

«Прыйдзе час, яны (ЗША - заўв.) за гэта адкажуць. Адкажуць спаўна. Яны там за акіянам не схаваюцца», - заявіў Лукашэнка.

Як паведамляў Charter97.org, пасол Ірана ў Беларусі Алірэза Санеі назваў прычынай катастролфы верталёта кліматычныя ўмовы.