Золата значна падаражэла ў большасці краін свету
- 9.04.2024, 10:22
- 3,252
Сталі вядомыя ключавыя прычыны.
У свеце актыўна даражэе золата: у пачатку бягучага тыдня цэннік ужо дасягнуў $2,350 тысяч за тройскую ўнцыю, інфармуе Bloomberg.
Фінансавыя аналітыкі мяркуюць, што пасля зніжэння працэнтных ставак у ЗША цана на залатыя зліткі можа падняцца яшчэ больш.
Такую сітуацыю на рынку золата тлумачаць супадзеннем наступных ключавых прычын:
- абвастрэнне ваенных рызык у свеце, уключаючы вайну ва Украіне, у сектары Газа, а таксама абвастрэнне стасункаў паміж Кітаем і Тайванем, Паўднёвай Карэяй і КНДР;
- палітычная нестабільнасць у ЗША на фоне прэзідэнцкіх выбараў; - чаканае зніжэнне працэнтных ставак ФРС ЗША;
- рост попыту на золата з боку цэнтральных банкаў у розных дзяржавах, якія імкнуцца дыверсіфікаваць свае партфелі.
У той жа час адзінага адказу на пытанне, што ж стала самай важкай прычынай росту коштаў на золата, пакуль даць не могуць. Што тычыцца сітуацыі ва Украіне, то тут попыт на золата таксама істотна вырас і дынаміка росту працягваецца: у лютым 2024 года было завезена $ 8,3 млн, што больш за леташні паказчык ($ 6,7 млн).