The Moscow Times: План Крамля няўдаўся

ЕЗ закончыў ацяпляльны сезон з рэкорднымі запасамі газу, "Газпрам" Брусэлю не патрэбны.

Краіны ЕЗ ужо другі год запар заканчваюць ацяпляльны сезон з рэкорднымі запасамі газу, піша The Moscow Times.

Між тым пастаўкі "Газпрама" ў Еўропу ўпалі больш чым у пяць разоў у параўнанні з даваенным узроўнем.

Ацяпляльны сезон у ЕЗ скончыўся 31 сакавіка, і запасы ў сховішчах склалі, паводле звестак Gas Infrastructure Europe, 58,7%. Гэта максімальны аб'ём у гісторыі - вышэй, чым год таму, калі еўрапейцы, напалоханыя адключэннем расейскага газу, рэзка скарацілі яго выкарыстанне як у прамысловасці, так і на спажывецкім узроўні.

Справіцца з магчымым дэфіцытам дапамаглі дзве цёплыя зімы і радыкальная перабудова сістэмы забеспячэння. Звадкаваны прыродны газ стаў галоўнай крыніцай прапановы, абагнаўшы трубаправодны, а галоўным пастаўшчыком, які змяніў Расею, - ЗША: цяпер яны забяспечваюць амаль палову еўрапейскага імпарту ЗПГ супраць прыкладна чвэрці да пачатку вайны.

Пастаўкі ж у Еўропу ў "Газпрама" склалі ў мінулым годзе 28 млрд куб (на ўзроўні другой паловы 1970-х гг.) супраць больш за 150 млрд кубаметраў у даваенным 2021 г.

З пяці трубаправодаў газ у Еўропу зараз пампуецца толькі па двух. Пры гэтым у лютым міністарка энергетыкі Аўстрыі Леанор Гевесслер заявіла, што краіна, чый газавы імпарт больш як на тры чвэрці забяспечвае Расея, разглядае магчымасць разрыву кантракта з "Газпрамам". А ў выпадку рэалізацыі намеру Украіны адмовіцца ад падаўжэння з 2025 г. дамовы на транзіт пакіне “Газпрам” з адной працоўнай трубой - у паўднёвую Еўропу праз Турцыю.

З самага вострага моманту энэргетычнага крызісу газ у ЕЗ патаннеў амаль у 14 разоў. Кошт ф'ючарса Dutch TTF, якая ў жніўні 2022 г. на піку перавысіла 340 еўраў/МВт•ч (больш за $3600 за 1000 кубаметраў), з пачатку лютага гэтага года вагаецца вакол адзнакі 25 еўраў ($285).