У Беларусі скароцяць час праходжання тэхагляду

Дапамогуць дыстанцыйныя тэхналогіі.

Замест папяровага допуску да ўдзелу ў дарожным руху беларускія аўтаўладальнікі неўзабаве пачнуць атрымліваць такі дазвол дыстанцыйна, распавёў дырэктар «Белтэхагляду» Юры Лянчэўскі.

З яго слоў, з увядзеннем электроннага допуску працэдура тэхагляду значна спросціцца.

«З часам адпадзе неабходнасць у прысутнасці інжынераў на дыягнастычных станцыях», - цытуюць Юрыя Лянчэўскага «Минск-Новости».

Уладальнікам аўто, з года выпуску якіх прайшло не больш за два гады (уключаючы год выпуску), наогул не давядзецца наведваць дыягнастычныя станцыі. Тэхагляд такім аўто не патрэбны, але кіроўца абавязаны атрымаць дазвол на допуск транспартнага сродку да ўдзелу ў дарожным руху.

Раней для гэтага трэба было прыехаць на станцыю, а зараз электронны дазвол можна атрымаць праз персанальны кабінет Адзінага партала электронных паслуг.

Аўтамабілям больш старым трэба праходзіць тэхагляд - наведаць дыягнастычную лінію ў кожным выпадку давядзецца. Але, паводле новых нормаў, з працэдуры знікне этап афармлення допуску да руху ў інжынера «Белтэхагляду». А на гэта адводзяць 15 хвілін.

Замест гэтага аўтаўладальніку трэба аформіць заяву ў персанальным кабінеце Адзінага партала электронных паслуг і атрымаць дазвол тамака. Праўда, папярэдне аплаціўшы паслугі праз АРІП.