Украінскія ваяры з HIMARS знішчылі расейскую гармату «Гіяцынт»
- 22.04.2024, 21:06
- 4,324
![Украінскія ваяры з HIMARS знішчылі расейскую гармату «Гіяцынт»](https://i.c97.org/ai/506285/aux-head-1657605733-20220712_himars_360.jpg)
Відэафакт.
Украінскія ваяры выявілі варожую гармату «Гіяцынт» на акупаванай тэрыторыі поўдня краіны і нанеслі па ёй удар з дапамогай HIMARS.
Пра гэта паведамляе Charter97.org са спасылкай на камандаванне Сілаў спецыяльных аперацый УС Украіны.
Вайскоўцы ўказалі, што гэта вынік працы аператараў 73 марскога цэнтра.
«Каардынаты варожай цэлі былі аператыўна перададзеныя ракетна-артылерыйскаму падраздзяленню Сілаў абароны», – напісалі вайскоўцы.
Адзначаецца, што гармата акупантаў паспела зрабіць толькі некалькі стрэлаў, але потым яна была поўнасцю знішчаная агнём HIMARS.