Беларуска парвала пашпарт мужа, каб той не змог з ёй развесціся

І дабілася свайго.

У Гомелі муж і жонка пасварыліся да такой ступені, што справа дайшла да знішчэння асабістых дакументаў. А гэта ў Беларусі лічыцца злачынствам.

Канфлікт разгарэўся ў сям'і з трыма дзецьмі. 44-гадовы муж пайшоў жыць да сваёй маці, але неўзабаве прыгадаў, што пакінуў у кватэры жонкі пашпарт. Патэлефанаваў ёй і папрасіў прынесці пашпарт у публічнае месца. Прычыну таксама патлумачыў: маўляў, хоча з ёй развесціся, а без дакумента гэтага ніяк не зрабіць, піша выданне «Белка».

Жанчыну такі варыянт развіцця падзей не задаволіў. Усё ж у сям'і трое дзяцей, і пакідаць іх без бацькі яна не хацела.

Яна вырвала з пашпарта мужа некалькі старонак, разарвала іх на дробныя шматкі і выкінула ў сметніцу. А ўжо пасля гэтага вярнула дакумент уладальніку.

— Прамінулай датай жанчына раскаялася ў зробленым. Суд Навабеліцкага раёна прызначыў ёй штраф сумай 1200 рублёў. Але мэты сваёй яна дасягнула. Муж вярнуўся ў сям'ю і цяпер у яго няма прэтэнзій, - падзяліўся падрабязнасцямі памочнік пракурора горада Гомеля Аляксандр Шапавалаў.