Палітолаг распавёў, навошта Лукашэнку тэрмінова выклікалі да Пуціна

У Беларусі будзе мабілізацыя?

Аляксандр Лукашэнка 11 красавіка ляціць з працоўным візітам у Расейскую Федэрацыю, паведамляе яго прэс-служба. Раней гэты візіт не анансавалі.

Украінскі палітолаг Уладзімір Цыбулька назваў сайту Charter97.org некалькі версій, чаму беларускага дыктатара маглі выклікаць на дыван:

- Пачну здалёк. Па-першае, адбыўся візіт Лаўрова ў Пекін. Па-другое - нарэшце з'явілася дата правядзення форуму міру ў Швайцарыі.

Я думаю, што нездарма арганізатары абвясцілі аб даце 16-17 чэрвеня менавіта падчас знаходжання Лаўрова ў Пекіне, там галоўнай інтрыгай быў удзел Кітая.

У гэтым сэнсе расейская прапаганда пачала гарлапаніць, што калектыўны Поўдзень туды не паедзе, хоць, калі паглядзець, напрыклад, нават у рамках гэтай дзіўнай садружнасці Індыі, Кітая, Бразіліі і Расеі - БРІКС - Бразілія пачала вельмі добрую камунікацыю з Францыяй. Мабыць, Макрон там неяк навучыў прэзідэнта Бразіліі. Паўднёваафрыканская рэспубліка, дарэчы, як мне здаецца, стала больш схіляцца да ўкраінскай формулы міру. Таму Крэмль пачаў гарлапаніць, што ніякі калектыўны Поўдзень не паедзе, гэта сведчыць аб тым, што для Расеі пачаўся перыяд перафарматавання і вайны, і замежнай палітыкі.

Зразумела, што эканоміка Расеі зараз атрымала некалькі такіх жорсткіх удараў. Мы бачым, што ў Казахстане Масква ўжо зарэзервавалі партыю нафтапрадуктаў. Асабліва важныя нафтапрадукты, рэактыўнае паліва і высокаактанавы бензін, зараз у еўрапейскай частцы НПЗ не могуць выпрацоўваць. Таму Лукашэнка патрэбны, каб нарыхтаваць рэзервы нафтапрадуктаў на пасяўную і для вайны, ну і, хутчэй за ўсё, патрэбны нейкія дэталі для расейскай вайсковай тэхнікі.

Яшчэ адзін важны момант - калі ў Расеі будзе вялікая мабілізацыя, то Лукашэнку наўрад ці ўдасца адкруціцца ад яе. Яму давядзецца нешта рабіць, бачнасць нейкай мабілізацыі ў сябе.

Пуцін збіраецца арганізаваць на лета вялікі наступ ва Украіне, таму, хутчэй за ўсё, будзе патрабаваць ад Лукашэнкі высоўвання войскаў ці на мяжу з Літвой ці Латвіяй, ці на мяжу з Украінай. Але на мяжу з Украінай Лукашэнка баіцца пасылаць войскі, у выпадку правакацыі нашыя войскі адразу ўдараць, таму ён можа з перапуду абвясціць мабілізацыю паралельна з расейскай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]