У рэгіёне Палесся ў плане радыяцыйнай абстаноўкі не ўсё добра
- 5.03.2024, 14:26
- 5,978
![У рэгіёне Палесся ў плане радыяцыйнай абстаноўкі не ўсё добра](https://i.c97.org/ai/345544/aux-head-1566366666-20190821_nenoks_t.jpg)
Пра гэта сведчаць даследаванні.
Па выніках даследаванняў больш за 5 тысяч проб харчовых прадуктаў, адабраных летась, былі ўстаноўленыя неадпаведнасці ў колькасці радыенуклідаў цэзію-137 у дзікарослых грыбах і ягадах са Столінскага, Іванаўскага, Лунінецкага, Драгічынскага, Пінскага раёнаў.
Перавышэнні былі выяўлены ў 30,5% даследаваных проб грыбоў і 5,8% проб ягад. У колькасці радыенуклідаў стронцыю-90 перавышэнняў нарматываў РДУ-99 у харчовых прадуктах не выяўлена.
Нялішнім будзе нагадаць, што на тэрыторыях, забруджаных радыенуклідамі ў выніку аварыі на Чарнобыльскай АЭС, у кожным лясгасе вызначаны месцы, дзе можна ажыццяўляць збор дароў лесу. А сабраная для ўласнага спажывання прадукцыя можа быць правераная ў акрэдытаваных лабараторыях тэрытарыяльных цэнтраў гігіены і эпідэміялогіі на бясплатнай аснове.