18 траўня 2024, Субота, 4:07
Падтрымайце
сайт
Сім сім,
Хартыя 97!
Рубрыкі

Newsweek: Для Пуціна пачаліся жудасныя падзеі

24
Newsweek: Для Пуціна пачаліся жудасныя падзеі
Фота: Getty Images

Саюзнікі "ўсадзілі нож" у спіну.

Швэцыя пераадолела апошнюю перашкоду на шляху да NАТО - крок, які не падтрымліваецца крамлёўскім дыктатарам Уладзімірам Пуціным.

Пра гэта піша Newsweek.

Парламент Вугоршчыны ў панядзелак, 26 лютага, прагаласаваў за ратыфікацыю заяўкі Швэцыі на ўступленне ў вайсковы альянс, нягледзячы на тое, што вугорскі прэм'ер-міністр Віктар Орбан разглядаецца як адзін з нямногіх супольнікаў Пуціна ў NАТО. Для ўступлення ў NАТО краіна патрабуе аднадушнай падтрымкі ўсіх чальцоў Альянсу, і Вугоршчына была апошняй, хто ўтрымліваўся, каб ухваліць Швэцыю пасля таго, як Турцыя ратыфікавала запыт гэтай краіны ў студзені.

Пуцін адкрыта выказваўся супраць пашырэння NАТО і называў магчымасць пашырэння Альянсу як адно з апраўданняў свайго ўварвання ва Украіну. Аднак менавіта вайна ва Украіне падштурхнула Фінляндыю і Швэцыю да адначасовай падачы лістоў з просьбай аб уступленні ў NАТО ў траўні 2022 года. Фінляндыя стала чальцом NАТО ў красавіку 2023 года.

У панядзелак Newsweek звярнуўся ў Крэмль праз электронную пошту па каментар.

Галасаванне ў парламенце Вугоршчыны пераважнай большасцю галасоў падтрымала ратыфікацыю Швэцыі: 188 галасоў "за" і шэсць "супраць".

Орбан нават публічна падтрымаў заяўку Швэцыі.

Як паведамляе Associated Press, перад галасаваннем прэм'ер-міністр заявіў заканадаўцам: "Ваеннае супрацоўніцтва паміж Швэцыяй і Вугоршчынай і ўступленне Швэцыі ў NАТО ўмацоўваюць бяспеку Вугоршчыны".

Галасаванне ў панядзелак адбылося пасля пятнічнай сустрэчы паміж Орбанам і прэм'ер-міністрам Швэцыі Ульфам Крыстэрсанам, падчас якой яны ўрэгулявалі некаторыя працяглыя дыпламатычныя супярэчнасці.

“Сёння гістарычны дзень. Парламенты ўсіх краін-сябраў NАТО прагаласавалі за ўступленне Швэцыі ў NАТО, - напісаў Крыстэрсан у панядзелак раніцай у сацыяльнай сетцы X, былы Twitter. - Швэцыя гатова ўзяць на сябе адказнасць за еўраатлантычную бяспеку”.

Між тым, Пуцін працягвае сутыкацца з асуджэннем за сваё ўварванне ва Украіну. Хоць расейскія ўзброеныя сілы нядаўна ўсталявалі кантроль над украінскім горадам Аўдзееўка, пуцінскія вайскоўцы не дабіліся поспеху на полі бою, які прагназавалі многія аналітыкі.

Расея таксама панесла значныя страты ва Украіне. З апошніх ацэнак Генеральнага штаба Узброеных сіл Украіны Расея страціла больш за 410 000 вайскоўцаў з пачатку вайны.

Newsweek не змог самастойна праверыць украінскія лічбы, якія перавышаюць многія іншыя адзнакі. Крэмль рэдка публікуе свае ўласныя лічбы, а калі апублікуе, лічыцца, што яны заніжаныя.

Пуцін і афіцыйныя асобы Крамля пакуль публічна не каментавалі галасаванне Вугоршчыны наконт Швэцыі і NАТО, але прадстаўнік Крамля Дзмітрый Пяскоў заявіў у ліпені 2022 года, што бяспека Расеі будзе пад пагрозай, калі Швэцыя стане чальцом Альянсу.

"Адмоўныя наступствы адназначныя", – сказаў тады Пяскоў, паведамляе Agence France-Presse.

Напісаць каментар 24

Таксама сачыце за акаўнтамі Charter97.org у сацыяльных сетках