У Менску з крыгі выратавалі сабаку
7- 26.02.2024, 19:08
- 4,526
![У Менску з крыгі выратавалі сабаку](https://i.c97.org/ai/585222/aux-head-1708963698-20240101_spasatel_360.jpg)
Здарэнне адбылося на вадасховішчы «Дразды».
У Менску з крыгі выратавалі сабаку. Здарэнне адбылося на вадасховішчы «Дразды».
Мясцовай выратавальнай станцыі паведамілі, што ў цэнтры возера на крызе знаходзіцца сабака. Каб дабрацца да яе, выратавальнік поўз па лёдзе. Жывёліна была напалоханая, але паслухмяна села на спецсродак «Марс» на паветранай падушцы. На ім сабаку і давезлі да берага. Дарэчы, там яе чакаў гаспадар, які назіраў за выратавальнай аперацыяй, паведамляе БелТА.
У перыяд раставання лёду такія аперацыі нярэдкія, яны праходзяць у розных рэгіёнах краіны. Напрыклад, у Лепельскім і Гомельскім раёнах выратавалі казуляў, якія трапілі ў палонкі.
![](https://i.c97.org/ai/585222/aux-1708963703-1.jpg)