Мянчук прыдумаў, як прымусіць ашуканцаў вярнуць яму грошы
5- 24.02.2024, 15:02
- 8,916
![Мянчук прыдумаў, як прымусіць ашуканцаў вярнуць яму грошы](https://i.c97.org/ai/341528/aux-head-1563294399-20190716_zirovki_online_360.jpg)
Але план быў неідэальны.
Мянчук хацеў зарабіць на крыптабіржы – перайшоў на спасылку, звязаўся з мэнэджарамі, пераводзіў грошы на рахунак, які яму параілі. Усё атрымлівалася, пакуль ён не надумаў вывесці заробленае – тут яго заблакавалі ва ўсіх сацсетках. Стала зразумела, што гэта ашуканцы. Але мужчына прыдумаў спосаб вярнуць грошы.
Падрабязнасці гэтай гісторыі расказвае тэлеграм-канал «Міліцыя Менска».
Мужчына знайшоў у інтэрнэце кампанію, якая абяцала вярнуць выкрадзеныя лжэтрэйдарамі грошы. У гэтай другой кампаніі яму давялося адкрыць дадатковы гаманец. Мянчук заплаціў за паслугу, і з ім таксама перасталі выходзіць на сувязь. На відэа відаць скрыншоты ліставання, дзе ідзе гаворка пра перавод 1056,16 рубля. Паведамляецца, што мужчына страціў больш за 3000 рублёў і пайшоў у міліцыю.
У выніку пачатыя крымінальныя справы. Міліцыя нагадвае: не трэба верыць абяцанням лёгкага заробку ў інтэрнэце. Перш чым укладваць грошы ў інвестыцыйныя праекты, трэба праверыць іх пошукам у браўзары або праз тэлефоны арганізацый, размешчаных на іх афіцыйных сайтах.
![](https://i.c97.org/ai/584960/aux-1708776051-45.jpg)