Гарадзенская міліцыя замітусілася праз незвычайны крадзеж
9- 24.02.2024, 11:40
- 17,592
![Гарадзенская міліцыя замітусілася праз незвычайны крадзеж](https://i.c97.org/ai/425360/aux-main-1623225941-20210609_ment_bel_360.jpg)
Што адбылося?
У аграгарадку Азёры каля Гародні з кемпінгавай пляцоўкі знікла біяпрыбіральня.
Паведамленне пра знікненне паступіла ў Гарадзенскі РАУС у канцы студзеня.
Апошні раз уладальнік бачыў кабінку ў пачатку лістапада, паведамляе УУС Гарадзенскага аблвыканкама.
Кошт страты ўладальнікі ацанілі больш як на 1000 рублёў.
Цяпер міліцыя спрабуе знайсці выкрадальнікаў. Паводле гэтага факта Гарадзенскім міжраённым аддзелам Следчага камітэта пачатая крымінальная справа паводле артыкула «Крадзеж».