Аляксандр Мусіенка: Лукашэнка атрымаў сігнал, што адказ будзе па ім

Палітолаг распавёў пра чатыры магчымыя сцэнары зрынання дыктатара.

У аўторак на сустрэчы з сілавікамі Лукашэнка распавёў пра тры сцэнары свайго зрынання. Чаму беларускі дыктатар зараз пра гэта загаварыў?

Такое пытанне сайт Charter97.org задаў палітычнаму эксперту, кіраўніку ўкраінскага Цэнтра вайскова-прававых даследаванняў Аляксандру Мусіенку:

- Справа ў тым, што Лукашэнка пакідае запасны варыянт на выпадак, калі неабходна будзе здрадзіць Пуціну. Для гэтага яму трэба часам публічна казаць аб некаторых пагрозах. Ён жа не заўсёды выразна канкрэтызуе, паказвае пальцам, а гаворыць вельмі завуалявана.

На маю думку, Лукашэнка разумее зараз усю сур'ёзнасць таго, у што ўцягнуў Беларусь, калі дазволіў размясціць ядзерную зброю на тэрыторыі краіны. Але ж гэта не канчатковая мэта, цяпер неабходна шантажаваць Польшчу і краіны Балтыі. Маўляў, глядзіце, у нас ёсць ядзерная зброя, мы ў выпадку чаго яе выкарыстоўваем. Мне падаецца, што Лукашэнка пачаў атрымліваць пэўныя сігналы аб тым, што калі ядзерная зброя з тэрыторыі Беларусі будзе выкарыстаная, то адказ можа быць па ёй.

- Лукашэнка абвінаваціў намесніка міністра ўнутраных спраў і камандуючага Унутранымі войскамі Мікалая Карпянкова і міністра ўнутраных спраў Івана Кубракова ў «залішнім усхваленні «вагнераўцаў». Пра што гэта можа казаць?

- Мы ж выдатна разумеем, што «вагнераўцы», якія зараз знаходзяцца ў Беларусі, выконваюць не толькі задачы па навучанні асабовага складу войскаў, а могуць быць выкарыстаныя для таго, каб адхіліць Лукашэнку ад улады, калі ён не выканае які-небудзь з загадаў Масквы.

У гэты ж час таварышы Карпянкоў і Кубракоў у захапленні ад «вагнераўцаў», вядуць прапагандысцкую дзейнасць аб тым, якія яны «малайцы». Думаю, Лукашэнка ўсведамляе, што праз «вагнераўцаў» можа адбывацца ўкараненне расейскай агентуры, якая ў пэўны момант карумпуе або запалохае беларускіх чыноўнікаў.

Ідзе ўзмацненне рычагоў уплыву Расеі. Лукашэнка ж гэтага баіцца, змагаючыся за сваё палітычнае выжыванне.

Ён заўсёды трымае ў галаве, што будзе, калі ўсё ж пуцінскі рэжым будзе слабець, падаць. Як яму тады выблытацца з гэтай сітуацыі, каб не пайсці на дно з гэтым пуцінскім каменем? Ведаеце, калі фактар расейскага ўплыву пагражае асабіста ягонаму рэжыму, то ён пачынае рэагаваць.

- Якія сцэнары зрынання Лукашэнкі вы ўважаеце за рэальныя ў агляднай будучыні?

- Я бачу чатыры сцэнары. Першы - у нейкі момант ён можа сысці сам. Другі - магчымы пераварот сілавікоў, калі Лукашэнка раптам вернецца да тэмы ўдзелу беларускіх войскаў у вайне супраць Украіны. Трэці - ніколі не варта здымаць з рахункаў грамадства. У Беларусі былі неаднаразова акцыі пратэсту. Яны могуць паўтарыцца і прывесці да змены ўлады.

Чацвёрты - адхіленне і арышт Лукашэнкі карумпаванымі і арыентаванымі на РФ сілавікамі. Гэта можа здарыцца, калі Крамлю здасца, што Лукашэнка хоча яму здрадзіць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]