Беларускі паляўнічы зладзіў «дыверсію» на чыгунцы

Стрэліў у казулю, а трапіў у рэлейную шафу.

У Чэрыкаўскім раёне паляўнічы спудлаваў і замест дзічыны патрапіў у рэлейную шафу. У выніку інцыдэнту часова не працавалі святлафоры на чыгуначным пераездзе, паведамілі ў прэс-службе Дзяржкамітэта судовых экспэртыз.

У рамках праверкі высветлілася, што шафа з электраабсталяваннем была пашкоджаная стрэлам са зброі. Аператыўнікі выявілі 53-гадовага мужчыну, які ў той дзень паляваў у лесе непадалёк.

Было выяўлена, што пашкоджанні на дзвярах шафы з'яўляюцца агнястрэльнымі і «ўтвораны ў выніку аднаго стрэлу з вонкавага боку з агнястрэльнай зброі патронам, у якім выкарыстоўваўся адзінкавы набой».

«Чатыры металічныя прадметы, канфіскаваныя на месцы здарэння, з'яўляюцца элементамі боепрыпасу — часткай набою (кулі) патрона для наразной агнястрэльнай зброі калібру 7,62 мм. саманабіўным паляўнічым карабінам мадэлі «Тыгр-308», калібру 7,62 мм, прыдатным для стральбы», - паведамілі ў ГКСЭ.

53-гадовы грамадзянін растлумачыў, што паляваў у лесе на казуль, тое, што сваім стрэлам ён пашкодзіў абсталяванне чыгункі, — нават не заўважыў.

Па выніках праверачных мерапрыемстваў дзеянням паляўнічага будзе дадзеная прававая ацэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]