Адпачынак у беларускіх санаторыях на 2025 год падаражэў

А на колькі абыдзецца там навагодні банкет?

Большасць месцаў у беларускіх санаторыях на студзень ужо забраняваная, кошты ў першыя два месяцы 2025-га ўжо вышэйшыя, чым сёлета, расказаў на прэс-канферэнцыі дырэктар Рэспубліканскага цэнтра аздараўлення і санаторна-курортнага лячэння Генадзь Балбатоўскі. Пры гэтым навагодні банкет у санаторыі можа абысціся недзе на 70 даляраў.

За гэты год больш за 1,5 млн чалавек пройдуць аздараўленне ў санаторыях Беларусі, 240 тысячаў з іх – замежнікі. У параўнанні з 2023-м на 15% вырасце памер прыбытку – да больш чым 1,2 млрд рублёў.

На студзень наступнага года ўжо забранявана больш за 70% месцаў у санаторыях, а на люты – 50% месцаў. Кошты тураў на гэтыя месяцы ў параўнанні з цяперашнім перыядам павялічыліся ў межах 5 адсоткаў.

Паводле вынікаў апошняга квартала 2024 года сярэдні кошт туру ў санаторый плануюць устанавіць на ўзроўні 115 рублёў за адзін койка-дзень у стандартным двухмесным нумары, а сярэднегадавы кошт – блізу 110 рублёў.

Што тычыцца навагодняга банкету ў санаторыі, то ў сярэднім ён будзе каштаваць 250 рублёў, сказаў Балбатоўскі. Аднак ёсць месцы, дзе поўнасцю адмовіліся ад такіх мерапрыемстваў. Там прадугледзелі праграму і розныя лакацыі з пачастункамі, але без навагодняга застолля.

Аргумент такі: у санаторыі вячэра заканчваецца пасля 18-й, а некаторыя людзі заканчваюць есці а восьмай гадзіне і праз дзве гадзіны ім зноў садзіцца за стол – а банкет каштуе пэўных грошай.

«Такая форма правядзення мае права на жыццё, таму што запаўняльнасць у гэтай установе, нягледзячы на такую праграму, таксама стаадсоткавая. Ніхто не адмовіўся ад удзелу ў навагодняй праграме з прычыны адсутнасці навагодняга стала», – сказаў Балбатоўскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]