Кошты трунаў у Расеі з пачатку вайны ўзляцелі на 74%

Імклівы рост коштаў пачаўся яшчэ ў першыя месяцы ўварвання ва Украіну.

Вайсковая інфляцыя, якая накрыла расейскую эканоміку праз рэкордныя з савецкіх часоў выдаткі на войска, ударыла па рынку рытуальных паслуг, паведамляе The Moscow Times.

Кошт вырабу дамавіны з пачатку ўварвання ва Украіну падскочыў на 74%, вынікае са звестак Адзінай міжведамаснай інфармацыйна-статыстычнай сістэмы Расстата (АМІСС).

Так, у кастрычніку 2024 года труна агулам па РФ каштавала 7711 рублёў супраць 4437 рублёў у студзені 2022-га.

Імклівы рост коштаў дамавін пачаўся ў першыя ж месяцы ўварвання ва Украіну: за люты-жнівень 2022 года іх выраб падаражэў на 12%, або 548 рублёў. Новы віток пахавальнай інфляцыі адбыўся неўзабаве пасля абвяшчэння мабілізацыі: калі ў верасні 2022 года адна дамавіна каштавала 4998 рублёў, то ў лютым 2023-га ўжо 6669 рублёў, гэта значыць, на 33% даражэй.

Агулам, за 2022 год труны падаражэлі на 48%, за 2023-ы - амаль на 12%, а за 9 месяцаў 2024-га - яшчэ на 10%. У некаторых рэгіёнах труны падаражэлі ў кратным памеры: на 181% на Сахаліне, на 162% у Омскай вобласці, на 104% і 103% адпаведна - у Тамбоўскай і Смаленскай абласцях (за 2023 год).

Крыху павольней, паводле статыстыкі Расстата, даражэе капанне магіл: у студзені 2022 года гэтая паслуга каштавала 7692 рублі, а ў кастрычніку 2024-га – 9974 рублі, гэта значыць, на 30% больш. Пры гэтым рэкорд кошту капання магіл быў зафіксаваны ў лютым 2024 года - 10 187 рублёў (+32% да студзеня-2022).

Попыт на рытуальныя паслугі ў Расеі расце па меры таго, як памнажаюцца страты ва Украіне, якія сталі рэкорднымі для ўсіх войнаў з Другой сусветнай. На ацэнкі Пентагона, войска страціла 615 тысяч чалавек, у тым ліку 115 тысяч забітымі.

Не менш як 48 тысяч расейцаў прапалі без вестак на фронце. Такую лічбу на круглым стале ў Дзярждуме 4 снежня агучыла намесніца міністра абароны РФ Ганна Цывілёва. Кіраўнік камітэта па абароне Андрэй Картаполаў, які прысутнічаў на сустрэчы, папрасіў Цывілёву і дэпутатаў нідзе не агучваць гэтую лічбу. «Гэта такая закрытая інфармацыя, дастаткова адчувальная. Калі будзем дакументы складаць выніковыя, таксама каб там гэтыя лічбы нідзе не плавалі», - адзначыў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]