У Менску зімой пракладуць 14 лыжных трасаў

У Зялёным Лузе для аматараў пакатацца вылучылі адразу тры адрэзкі.

Дырэктарка Менскага гарадскога вучэбна-метадычнага цэнтра фізічнага выхавання насельніцтва Ірына Альхоўская расказала, колькі лыжных трасаў, лядовых каткоў і хакейных каробак уладкуюць у сталіцы зімой.

У Беларусі вельмі чакаюць мінусавую тэмпературу. Без марозу план правядзення зімовага аздараўленчага сезону пад пагрозай зрыву.

У горадзе запланавана ўладкаваць 28 лядовых каткоў і 33 хакейныя каробкі, а таксама пракласці 14 лыжных трасаў. Абяцаюць таксама падрыхтаваць два схілы для горных лыжаў і сноўборда, а яшчэ будзе 39 горак для катання на цюбінгах і санках.

Паклапаціліся сталічныя ўлады і пра пракат інвентару – такіх пунктаў арганізуюць пад сотню. Дарэчы, да зімовага сезону ў Менску падрыхтавалі больш за 5,8 тыс. параў канькоў.

Паводле словаў Ірыны Альхоўскай, сёлета збіраюцца прадоўжыць практыку выкарыстання штучнага снегу для стварэння лыжных трасаў.

Галоўная лыжня традыцыйна будзе ў Вяснянцы каля комплексу палёў футбольнага клуба «Менск».

Адразу дзве трасы з'явяцца ў Савецкім раёне сталіцы: у парку Дружбы народаў і мікрараёне Зялёны Луг. А ў Першамайскім – і зусім тры: дзве ў тым самым Зялёным Лузе, яшчэ адна – у Севастопальскім парку.

У Фрунзенскім раёне традыцыйна пракладуць лыжню ў лесапаркавай зоне «Мядзведжына», а ў Кастрычніцкім – у парку «Курасоўшчына».

Аматары спорту з Маскоўскага раёна змогуць пакатацца ў яблыневым садзе ўздоўж вуліцы Рафіева і парку імя Паўлава.

У Заводскім раёне лыжная траса з'явіцца ў парку імя 900-годдзя Менска, у Ленінскім – у Лошыцкім сядзібна-паркавым комплексе і зоне адпачынку «Сад Гашкевіча».

У Партызанскім раёне лыжню падрыхтуюць у мікрараёне Дражня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]