ГУВ: Расейцы ўцякаюць з Дамаска

Становішча расейскіх вайскоўцаў у Сірыі пагаршаецца.

Галоўная ўправа выведкі МА Украіны паведамілі пра пагаршэнне сітуацыі для расейцаў у Сірыі.

Расейцы ўцякаюць з Дамаска, паведамляе ведамства ў Telegram.

Выведка распавядае аб прасоўванні на поўдзень краіны апазіцыйных да рэжыму Асада сіл, які падтрымліваюцца РФ:

"Сірыйскі капут - расейцы ўцякаюць з Дамаска. Сітуацыя для расейцаў у Сірыі пагаршаецца. Апазіцыйныя да рэжыму Асада, які падтрымліваецца Расеяй, сілы актыўна прасоўваюцца на поўдзень краіны, адбыліся першыя гарадскія баі ў гарадах Хама, Хомс і Сувейда».

Адзначаецца, што «вайсковы кантынгент дзяржавы-агрэсаркі Расеі ўцёк з Хамы і эвакуяваўся на базу «Хмеймім». Кіраўнік размешчанага ў Хмейміме каардынацыйнага штаба расейцаў генерал-палкоўнік Аляксандр Жураўлёў канстатаваў, што сітуацыя выйшла з-пад кантролю рэжыму Асада.

«У Дамаску пачаліся першыя ўзброеныя беспарадкі - расейскія вайскоўцы і дыпламаты тэрмінова пачалі пакідаць сталіцу Сірыі. Таксама расейцы ўцяклі з вайсковай базы ў горадзе Хан-Шэйхун, пакінуўшы там значны арсенал узбраенняў і тэхнікі», - гаворыцца ў паведамленні.

У нядзелю, 1 снежня, расейскія самалёты нанеслі авіяўдары ў раёнах Хан-Шэйхуна - мэтай атакі, імаверна, было знішчэнне вайсковай тэхнікі РФ, якая перайшла да апазіцыйных сіл.

«На фоне панічных уцёкаў расейскіх войскаў у арабамоўных суполках атрымала актыўны распаўсюд навіна аб адстаўцы камандзіра кантынгенту РФ генерала Кісяля. У Маскву «на дыван» таксама адклікалі палкоўніка Вадзіма Байкулава, які камандаваў расейскімі войскамі спецыяльнага падраздзялення», - пішуць у ГУВ.

Дадаюць, што Байкулаў павінен «растлумачыць правадырам», чаму падначалены яму асабовы склад панёс страты забітымі, а вайсковая тэхніка ў Алепа была захопленая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]