У Беларусі ёсць праблема, якая больш за ўсё б'е па менчуках і льготніках

У галіне адбыўся абвал.

Менск цягне ўніз будаўніцтва новага жылля: у сталіцы ў лістападзе адбыўся «абвал», гэта вынікае са звестак Белстата. Але агулам у краіне гэты паказчык у плюсе за 11 месяцаў гэтага года. Нагадаем, у верасні ўпершыню за працяглы час атрымалася аднавіць тэмпы ўзвядзення нерухомасці, да гэтага яны былі ў мінусе, піша «Зеркало».

За 11 месяцаў гэтага года агулам па краіне ўзвялі 3,3043 млн квадратных метраў агульнай плошчы жылля. Гэта на 0,4% больш, чым за аналагічны перыяд 2023-га. Нагадаем, у студзені-кастрычніку рост быў на ўзроўні 0,2%, а ў студзені - верасні - 2,5%.

Як сітуацыя адрозніваецца па рэгіёнах?

За 11 месяцаў гэтага года ў мінусе ў будаўніцтве новага жылля былі Менск (-31,7% да аналагічнага перыяду 2023-га) і Берасцейская вобласць (-1%) Астатнія рэгіёны выявіліся ў плюсе, больш за ўсё — Магілёўская вобласць (+13,3%).

Але калі глядзець звесткі канкрэтна за лістапад, то ў мінусе былі Менск (-83 адсоткі), Гомельская (-15,75 да аналагічнага месяца 2023 года) і Віцебская (-8,1%) вобласці.

Раней эксперты прагназавалі перамены на рынку нерухомасці - яны кажуць, такое ўжо было 11 гадоў таму.

Якая сітуацыя з ільготнікамі?

З дзяржпадтрымкай у студзені - лістападзе было пабудавана 685,3 тысячы квадратных метраў агульнай плошчы жылля. Гэта на 22% менш, чым за аналагічны перыяд.

Канкрэтна ў лістападзе для льготнікаў узвялі 53,7 тысячы квадратных метраў агульнай плошчы жылля. Гэта на 38,2% менш, чым за аналагічны месяц мінулага года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]