Акупаваная Расеяй Абхазія засталася без святла

Сітуацыя можа пагоршыцца.

Жыхарам акупаванай Расеяй Абхазіі адключылі святло. Інгурская гідраэлектрастанцыя спыненая праз недахоп вады.

Пра гэта паведамляе РБК-Украіна са спасылкай на мясцовую кампанію «Чарнаморэнэрга».

Кампанія апублікавала графік, паводле якога святло абанентам уключаць з 07:00 да 21:00 усяго на 1 гадзіну 24 хвіліны.

Раней «Чарнаморэнэрга» паведаміла аб вымушаным прыпыненні працы Інгурскай гідраэлектрастанцыі «ў сувязі крытычным узроўнем вады ў вадасховішчы і недастатковым прытокам вады».

Паводле інфармацыі мясцовых выданняў, з 9 снежня электразабеспячэнне было бесперабойным толькі ў начны час.

Акупацыйная адміністрацыя паведамляла, што сітуацыя можа пагоршыцца, калі не будуць знойдзеныя сродкі для аплаты расейскага ператоку.

«Інгуры ГЭС» - самая магутная гідраэлектрастанцыя Грузіі. Яе ўвялі ў эксплуатацыю ў 1978 годзе. Плаціна, водапрыёмнік і частка тунэля знаходзяцца на тэрыторыі, якая кантралюецца грузінскімі ўладамі; частка тунэлю, пульт кіравання і будынак ГЭС - на абхазскім баку. Абхазія бясплатна атрымлівае 40% электраэнэргіі, выпрацаванай на станцыі цягам года.

Расея акупавала Абхазію ў пачатку 1990-х гадоў і размясціла там свае вайсковыя базы. Гэтая частка Грузіі прыйшла ў эканамічны заняпад.

Адзначым, крызіс пагражае і іншаму акупаванаму Расеяй рэгіёну. У Прыднястроўі (Малдова) увялі надзвычайнае эканамічнае становішча ў сувязі з рызыкай спынення паставак у рэгіён расейскага газу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]