У беларускіх кароў знайшлі небяспечную хваробу
4- 10.12.2024, 9:44
- 9,800
Яна пагражае і людзям.
Беларускія чыноўнікі ўстурбаваныя склонам буйной рагатай жывёлы. Як выявілі журналісты «Зеркало», прычынай праблемы можа быць рост выпадкаў бруцэлёзу. Інфармацыю пра ўспышку бруцэлёзу сярод кароў рэдакцыі пацвердзіла крыніца, знаёмая з сітуацыяй, і BELPOL.
Для жывёлы бруцэлёз можа быць смяротным. Напрыклад, лячэнне бруцэлёзу ў буйной рагатай жывёлы дагэтуль нераспрацаванае. У людзей на ранняй стадыі з хваробай лёгка даць рады, але без лячэння яна прыводзіць да разбурэння ўнутраных органаў.
Людзі могуць заразіцца бруцэлёзам пры кантакце з хворай жывёлінай або ўжыванні сырога малака ад хворых жывёл і прыгатаваных з яго малочных прадуктаў (сыр, масла, тварог), а таксама недастаткова праваранага і прапражанага мяса. Хвароба нагадвае грып і праходзіць цяжка. Смяротных зыходаў сярод людзей блізу 2%.
СМІ піша, што бруцэлёз сярод кароў знайшлі ў пачатку лета, пераважна ў Магілёўскай вобласці. «У выніку жывёліны масава ідуць на забой і на Магілёўскі мясакамбінат. Малако даводзіцца накіроўваць на тыя віды перапрацоўкі, у якіх высокая тэмпература апрацоўкі. Гэта значыць з малака заражаных кароў нельга вырабляць сыр, масла і пітное малако. Яго пускаюць толькі на сухое малако», - кажа суразмоўца выдання. Увосень масавыя выпадкі бруцэлёзу выявілі і ў Віцебскай вобласці.
Дакументы сведчаць, што Міністэрства аховы здароўя загаварыла аб росце выпадкаў бруцэлёзу на Магілёўшчыне яшчэ ў сакавіку 2024-га. Раней такія выпадкі былі адзінкавыя. Напрыклад, з чэрвеня 2023-га да сярэдзіны снежня такі дыягназ у Магілёўскай вобласці паставілі аднаму чалавеку. А з 13 снежня 2023 да 29 лютага 2024 года новых пацыентаў было ўжо 11.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
