Такога снежня ніхто не чакае: беларусам абяцаюць «еўрапейскую зіму»

Вядомы беларускі сіноптык расказаў пра тэмпературную анамалію.

Сіноптык Дзмітрый Рабаў папярэдзіў пра тэмпературную анамалію з 2 да 8 снежня ў Беларусі, піша «Комсомольская правда».

Паводле слоў сіноптыка, з надыходам каляндарнай зімы надвор'е будзе нагадваць еўрапейскую зіму. Ён удакладніў, што маразы ўначы будуць невялікія, а ўдзень тэмпература паветра будзе вышэйшая за нуль. Рабаў дадаў, што ў атмасфэры прагназуецца чаргаванне атмасфэрных франтоў і антыцыклонаў. Гэта сведчыць пра тое, што надвор'е будзе няўстойлівым.

- Магутны струмень атлантычнага цяпла большасць дзён будзе ўтрымліваць вільготнае, адліжнае і пахмурнае надвор'е. Дадатная тэмпературная анамалія гэтага перыяду ў сярэднім дасягне 2-3 градусы, што ставіць пад сумнеў прыход сапраўднай зімы, — падкрэсліў Дзмітрый Рабаў.

Ён звярнуў увагу на тое, надвор'е ў краіне на пачатку тыдня будзе вызначаць абсяг высокага атмасфэрнага ціску. Будзе без ападкаў. Уначы і раніцай магчымая слабая абліваха, на асобных адцінках дарог будзе слізгота, туман. Вецер будзе паўднёвых кірункаў. У панядзелак, 2 снежня, уночы чакаецца ад -2 да +3 градусаў. Удзень прагназуецца ад +2 да +5 градусаў.

Спецыяліст удакладніў, што ў сярэдзіне тыдня за надвор'е ў Беларусі будуць адказваць атмасфэрныя франты з Балтыкі. Надвор'е будзе хмарным, пройдуць ападкі рознай інтэнсіўнасці. Вецер чакаецца паўднёва-заходні, парыўны. Уночы і раніцай магчымая слабая абліваха, на дарогах слізгота, а таксама туман. У аўторак, 3 снежня, уначы чакаецца ад -2 да +2 градусаў, удзень – ад +1 да +4 градусаў. У сераду, 4 снежня, удзень прагназуецца ад +1 да +4 градусаў.

Рабаў дадаў, што, паводле папярэдніх звестак, на пачатку другой паловы тыдня надвор'е будзе фармаваць антыцыклон з цэнтрам над цэнтральнымі рэгіёнамі Расеі. Чакаецца хмарнае з прасвятленнем надвор'е, ападкаў не прагназуецца. Вецер будзе пераважаць паўднёва-ўсходні. У чацвер, 5 снежня, уночы будзе ад -3 да +2 градусаў, удзень – да +3 градусаў. Удзень у пятніцу, 6 снежня, чакаецца блізу 0 градусаў.

Сіноптык заўважыў, што атмасфэрны фронт з паўночнага захаду Еўропы прынясе непагадзь у канцы тыдня. Захаваецца хмарнае надвор'е. У большасці раёнаў Беларусі чакаюцца ападкі рознай інтэнсіўнасці. Вецер будзе паўночна-заходні, парыўны. Уначы і ранкам імаверны туман. У суботу, 7 снежня, уночы будзе ад 0 да -6 градусаў, а ўдзень – пад 0 градусаў. У нядзелю, 8 снежня, удзень будзе блізу 0 градусаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]