Тры расейскія НПЗ часткова спыніліся

Украінская выведка назвала прычыны.

Тры нафтаперапрацоўчыя заводы ў Расеі часткова спынілі працу з-за санкцый. Расейцы не змаглі закончыць рамонт.

Пра гэта паведамляе Служба замежнай выведкі ў Facebook.

Як адзначае выведка, спыненне НПЗ будзе мець негатыўны ўплыў на ўнутраныя аб'ёмы нафтаперапрацоўкі, выкананне экспартных абавязкаў, пагоршыць сітуацыю з пастаўкай паліва на ўнутраны рынак і павялічыць выдаткі на тэхнічнае абслугоўванне і мадэрнізацыю прадпрыемстваў.

Аб'ём нафтаперапрацоўчых магутнасцей пры прастоі складзе 1,8-2 млн тон на месяц.

Служба замежнай выведкі адзначае, што прычына прастою НПЗ - гэта абмежаваны доступ да заходняга абсталявання і кампанентаў у выніку міжнародных санкцый і немагчымасць замяшчэння замежных запчастак, неабходных для тэхнічнага абслугоўвання і мадэрнізацыі.

«Фактычна расейская праграма імпартазамяшчэння не дала істотных вынікаў. Уласна, расейскія вытворцы абсталявання забяспечваюць толькі каля 30-45% запатрабаванняў рынку і толькі ў некаторых кампанентах (помпы, кампрэсары, рэактары і да т.п.)», - гаворыцца ў паведамленні.

Са звестак выведкі, Расеі таксама не ўдалося замяніць абсталяванне кітайскімі тэхналогіямі.

Украінскія абаронцы правялі дзясяткі аперацый супраць НПЗ і нафтабаз на тэрыторыі РФ і на акупаваных тэрыторыях Украіны. Сілы абароны «палююць» на аб'екты, якія забяспечваюць палівам акупацыйныя войскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]