«Можна ўбачыць дно коштаў»: што будзе з нерухомасцю Беларусі праз скачок даляра

Экспертка дала прагноз па рынку.

Экспертка рынку нерухомасці Наталля Літоўская паразважала на сваім канале ў Youtube аб тым, чаго чакаць пакупнікам і прадаўцам кватэр праз ваганні курсу валют і змены па крэдытах.

Наталля Літоўская адзначыла, што праз курс валют, які падрос, людзі пачалі хвалявацца таму, што не ведаюць, што будзе адбывацца далей на рынку нерухомасці.

Спецыялістка мяркуе, што цяперашні скачок курса даляра і еўра ў першую чаргу паўплываў на ўгоды з прыцягненнем крэдытаў, якія ідуць зараз. Бо крэдыты прыцягваюцца ў беларускіх рублях, а ў дамове куплі-продажу кошт кватэры запісаны ў далярах, таму крэдытныя грошы будуць пералічаныя цяперашнім курсам. Многія пакупнікі зараз нервова падлічваюць, колькі ж ім давядзецца даплаціць і як у гэтым выпадку выплачваць розніцу.

- Па-добраму, нармальны прадавец павінен ісці насустрач пакупніку, яны дзеляць курсавую розніцу 50 на 50. Калі прадаўцу не ўзяць на сябе гэтыя выдаткі, то ўгода можа сарвацца і кватэра завісне. Гэта значыць, трэба будзе шукаць новага пакупніка, але ці наўрад ён будзе з пакетам наяўных даляраў.

Літоўская адзначыла, што ў студзені рынак нерухомасці звычайна асядае - людзі неахвотна набываюць кватэры. Што тычыцца пачатку 2025 года, то экспертка мяркуе, што ўсё ж угоды будуць - яшчэ ёсць крэдыты па цяперашніх стаўках.

- Частка пакупнікоў кватэр з крэдытамі даходзіла да 40%, вось яны і далі рост рынку нерухомасці. Але ўжо ў кастрычніку ўмовы па выдачы крэдытаў сталі больш жорсткімі, цяпер пры вялікім заробку можна атрымаць амаль удвая менш грошай, чым летам. Таму попыт на дарагія сегменты жылля ўжо асядае, бо людзям проста не даюць грошай на набыццё патрэбнай ім кватэры.

Наталля нагадала, што ў лістападзе ўгодаў з нерухомасцю ўжо стала менш, яна перакананая, што ў снежні-студзені зніжэнне працягнецца, але тым не менш угоды будуць.

- Але калі пакупнік цяпер не купляе кватэру з крэдытам, гэта азначае, што ён яе не купіць і ў сярэдзіне года. Гэта будзе пры знікненні крэдытаў ці іх значным падаражанні (думаю, гэта павінна быць да вясны). А далей невядома, калі крэдытаванне і добрыя стаўкі вернуцца зноў.

Але калі ў пакупніка ёсць грошы на ўсю кватэру і яе купля не да спеху, то на думку Літоўскай, лепш адкласці ўгоду да вясны — будзе зразумела, што адбываецца з курсам валют, крэдытаваннем, куды рухаецца рынак.

— Вы спакойна можаце датрываць да восені ці яшчэ год, да дна коштаў, а потым набудзеце тое, што вам трэба, і за меншую суму, чым зараз.

Прадаўцам жылля эксперт раіць улічваць тое, што попыт на кватэры будзе паніжацца, як толькі крэдыты «абрэжуць». Праўда, маштабнага і значнага паніжэння чакаць не трэба.

- Прадаўцы гатовыя будуць рабіць невялікія зніжкі. Цяпер яны мінімальна таргуюцца, але потым будуць рабіць гэта больш ахвотна і пры гандлі зніжкі на кватэру будуць даходзіць да 5-7%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]