Палітолаг: «Распаўзанне» Расеі - вельмі магчымы сцэнар

Неўзабаве ўбачым «парад суверэнітэтаў»?

Лідары заходняга свету традыцыйна не хочуць распаду Расеі. Так было з Савецкім Саюзам, а раней з Расейскай імперыяй. Аднак гэта не азначае, што Расея не распадзецца. Такі сцэнар застаецца вельмі імаверным.

Такім меркаваннем падзяліўся з uatv.ua палітолаг, сузаснавальнік украінскай Нацыянальнай платформы стойкасці і згуртаванасці Алег Саакян.

У той жа час ён мяркуе, што распад Расейскай Федэрацыі на нацыянальныя дзяржавы малаімаверны, гэты час упушчаны.

- Я далёкі ад думкі, што ў Расеі будзе «парад суверэнітэтаў» і што Расея распадзецца на нацыянальныя дзяржавы, дакладней, нацыянальныя дзяржавы стануць прычынай развалу Расеі. Калі б гэта было так, яшчэ б у 1990-я гады гэта адбылося. На сёння інфраструктуры для незалежнасці значнай часткі нацыянальных суб'ектаў федэрацыі няма. Умоўна кажучы, яны прысутнічаюць толькі ў паўтара суб'ектаў у Расеі, - каментуе Саакян.

На яго думку, «распаўзанне» будзе дыктавацца «эканамічным эгаізмам» рэгіянальных эліт, мясцовых крымінальных, палітычных, сілавых груп, якія захочуць большай самастойнасці на сваёй тэрыторыі, калі Крэмль аслабне.

- «Распаўзанне» Расеі - гэта вельмі магчымы сцэнар, але не ад нацыянальных рэспублік, на жаль, - адзначыў палітолаг.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]