Кіраўнік Мінабароны ЗША: Пуцін не дасягнуў ніводнай са сваіх стратэгічных мэт ва Украіне

За амаль 1000 дзён вайны.

Кіраўнік Крамля Пуцін не дасягнуў ніводнай са сваіх стратэгічных мэт у вайне ва Украіне. І гэта нягледзячы на амаль 1000 дзён баёў.

Такое меркаванне выказаў міністр абароны ЗША Лойд Осцін, піша РБК-Украіна са спасылкай на яго калонку для Foreign Affairs.

- Пасля амаль 1000 дзён вайны Пуцін не дасягнуў ніводнай са сваіх стратэгічных мэт. Прэзідэнт Украіны Уладзімір Зяленскі не ўцёк. Кіеў не здаўся. І Украіна не здалася, - канстатуе ён.

Замест гэтага, са слоў кіраўніка Пентагона, Расея заплаціла «ашаламляльную цану за імперскую дурасць Пуціна».

«Сотні тысяч расейскіх ахвяр з лютага 2022 года і больш за 200 млрд даляраў былі выдаткаваныя марна», - дадае кіраўнік абароннага ведамства.

Ён прывёў звесткі Цэнтра стратэгічных і міжнародных даследаванняў, паводле якіх страты Расеі толькі за першы год вайны перавысілі страты Масквы ва ўсіх яе канфліктах з часоў Другой сусветнай вайны, разам узятых.

«Украіна жудасна пацярпела ад рук Пуціна. Але, як я зноў убачыў у Кіеве на мінулым тыдні, Украіна стаіць непахісна - і нават адужэла», - канстатуе міністр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]