Жыхару Латвіі пагражае ў Беларусі да 10 гадоў калоніі паводле трох палітычных артыкулаў

Пра ягонае затрыманне раней не паведамлялася.

Суд над жыхаром Латвіі Юрысам Ганіньшам пачнецца ў Менскім гарадскім судзе 12 лістапада. Яго абвінавачваюць паводле трох артыкулаў Крымінальнага кодэкса – «дыскрэдытацыя Беларусі» (арт. 369-1 КК), «паклёп на Лукашэнку» (ч. 2 арт. 367 КК) і «заклікі да санкцый» (ч. 2 арт. 361 КК). Юрысу пагражае да дзесяці гадоў калоніі, паведамляе «Наша Ніва».

Характэрна, што паводле другой часткі артыкула аб закліках да санкцый судзілі не так шмат людзей. Фармулёўка артыкула гучыць так: «заклікі, звернутыя да замежнай дзяржавы, замежнай або міжнароднай арганізацыі, да здзяйснення дзеянняў, накіраваных на прычыненне страты нацыянальнай бяспецы Беларусі, у тым ліку на ўжыванне абмежавальных захадаў (санкцый) у дачыненні да Беларусі, фізічных і юрыдычных асобаў Беларусі, альбо распаўсюджванне матэрыялаў, якія змяшчаюць такія заклікі».

Што менавіта зрабіў латвіец, незразумела – пад такую абстрактную фармулёўку можа падыходзіць што заўгодна. На большасці палітычных працэсаў у Беларусі сутнасць справы застаецца невядомай грамадскасці; паводле такіх справаў нават адвакаты падпісваюць абавязальніцтва аб неразгалошванні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]