Беларус змяніў пасведчанне інваліда, каб зарабіць на льготнай размытнёўцы аўто

Замест ганарару атрымаў "крыміналку".

Жыхар Магілёва, каб атрымаць ганарар за афармленне дарагога аўтамабіля на сваё імя для льготнай размытнёўкі, падрабіў пасведчанне інваліда, самастойна выправіўшы ў дакуменце трэцюю групу інваліднасці на другую, піша «Зеркало».

У ліпені гэтага года да 66-гадовага жыхара абласнога цэнтра звярнуліся два незнаёмцы з прапановай зарабіць грошай на льготнай размытнёўцы аўто. Мяркуючы, што той мае інваліднасць, якая дае права на льготы пры размытнёўцы аўтамабіляў, яны папрасілі яго аформіць на сябе аўто з Карэі – Mercedes-Benz Е220D 2019 года выпуску коштам 18 тысяч даляраў.

Магілёвец напраўду меў групу інваліднасці, але яна не пасавала пад ільготы. Каб усё ж атрымаць ганарар, ён падрабіў сваё пасведчанне інваліда - абрэзаў частку са словам "трэцяя" і дапісаў "другая".

У супрацоўніка, якому ён падаў дакументы для афармлення, узніклі падазрэнні. Быў зроблены запыт у медычную ўстанову, якая выдала дакумент. Так высветлілася, што ў пасведчанне ўносіліся праўкі. Тое, што дакумент падроблены, устанавілі і пасля правядзення судовай тэхнічнай экспэртызы.

Пры допыце мужчына адмаўляцца не стаў. Яго дзеянні кваліфікаваны паводле ч. 1 ст. 380 (Падробка дакумента) Крымінальнага кодэкса Беларусі. Максімальнае пакаранне паводле гэтага артыкула прадугледжвае да трох гадоў пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]