Прэзідэнт Паўднёвай Карэі перад сустрэчай з Трампам аднавіў заняткі гольфам

Каб выклікаць яго прыхільнасць да сябе.

Прэзідэнт Паўднёвай Карэі Юн Сок Ёль упершыню за восем гадоў займаецца гольфам у рамках падрыхтоўкі да будучых сустрэч з абраным прэзідэнтам ЗША Дональдам Трампам, пацвердзіла яго канцылярыя ў Сеуле.

Выданне «Детали» са спасылкай на паўднёвакарэйскія СМІ паведамляе, што Юн Сок Ёль у суботу наведаў поле для гольфа, каб заняцца тыпам спорту, якім, са слоў яго офіса, ён у апошні раз займаўся ў 2016 годзе.

«Многія людзі, блізкія да прэзідэнта Трампа… [казалі мне], што ў прэзідэнта Юна і Трампа будзе добрая хімія», — сказаў прэзідэнта на прэс-канферэнцыі ў чацвер пасля таго, як павіншаваў Трампа праз тэлефон з перамогай.

Былыя службовыя асобы адміністрацыі Трампа і ўплывовыя рэспубліканцы прапанавалі дапамагчы наладзіць сувязі з прэзідэнтам, які ўступае на пасаду, дадаў ён.

Як пісала газета Washington Post у 2021 годзе, Трамп цягам свайго першага тэрміну на пасадзе прэзідэнта згуляў у гольф прыкладна 261 раунд, або па раундзе кожныя 5 - 6 дзён.

Аналітыкі кажуць, што Юн Сок Ёль можа паспрабаваць знайсці спосаб атрымаць выгаду з асабістага сяброўства з Трампам, каб прасоўваць інтарэсы Сеула.

Ён ужо зрабіў уражанне на лідараў у Вашынгтоне, калі выканаў песню Дона Макліна American Pie на дзяржаўнай вячэры з Джо Байдэнам у 2023 годзе.

Падчас першага тэрміну Трампа ў Паўднёвай Карэі і ЗША здарыўся канфлікт праз раздзяленне выдаткаў на прыкладна 28 500 амерыканскіх жаўнераў, размешчаных у Паўднёвай Карэі ў якасці спадчыны Карэйскай вайны 1950-53 гадоў.

У Сеуле таксама выклікае трывогу лозунг Трампа «Амерыка вышэй за ўсё» і некаторыя яго перадвыбарныя абяцанні, у тым ліку скараціць вайсковую дапамогу хаўруснікам.

Акрамя таго, паўднёвакарэйскія кампаніі ў значнай ступені залежаць ад гандлю з ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]