СМІ: Дэпутаты Дзярждумы РФ, якім Кадыраў абвясціў крэўную помсту, пахаваліся
- 18.10.2024, 12:08
- 6,614
Перасталі хадзіць на "працу".
Расейскія дэпутаты, якім чачэнскі дыктатар Рамзан Кадыраў абвясціў крэўную помсту з-за канфлікту вакол маркетплэйсу Wildberries, перасталі хадзіць на працу ў Дзярждуму.
На гэта звярнула ўвагу ў Telegram-канале "Можем объяснить", спасылаючыся на пайменныя вынікі галасавання 16 кастрычніка.
Нагадаем, што, са слоў Кадырава, сэнатар ад Дагестана Сулейман Керымаў, а таксама дэпутаты дзярждумы Бекхан Барахоеў і Рызван Курбанаў маглі рыхтаваць на яго замах.
«Калі яны не дакажуць адваротнае, я афіцыйна аб'яўляю крэўную помсту Барахоеву, Керымаву Сулейману, Курбанаву Рызвану. Ёсць сведкі, ёсць людзі, у якіх яны заказвалі, пыталіся, за колькі вы можаце прыняць замову», - заяўляў крамлёўскі стаўленік у акупаванай РФ Ічкерыі.
На фоне гэтага інгушскі дэпутат Барахоеў перастаў хадзіць на працу і, парушаючы рэгламент, перадаў сваю картку для галасаванняў камусьці з калег.
“На трансляцыі пасяджэння яго не бачна. Барахоеў звычайна сядзіць побач з Адальбі Шхагошавым, аднак у сераду яго месца пуставала. У дзень пасяджэння дзярждумы Барахоеў знаходзіўся ў Інгушэціі”, - гаворыцца ў паведамленні.
Второй депутат Госдумы, которому Кадыров объявил кровную месть, отверг обвинения в покушении на лидера Чечни
— Новая газета Европа (@novayagazeta_eu) October 16, 2024
Депутат Госдумы от Ингушетии Бекхан Барахоев отрицает обвинения Рамзана Кадырова в том, что он пытался заказать убийство главы Чечни, обратил внимание «Кавказский узел»:… pic.twitter.com/NBomNl74dP
У сваю чаргу Курбанаў у галасаванні і зусім не ўдзельнічаў і пра яго месцазнаходжанне зараз нічога не вядома.
"Апошні допіс у яго Telegram-канале апублікаваны 11 кастрычніка – на відэа Курбанаў адмаўляе дачыненне да размяшчэння замовы на забойства Кадырава", – адзначаюць журналісты.
Депутат ГД от Дагестана Ризван Курбанов отверг свою причастность к подготовке покушения на Рамзана Кадырова.
— Tumso Abdurakhman (@abusaddam_sh) October 12, 2024
В двухминутном видео Курбанов вылизал Кадырова, что можно трактовать, как полную капитуляцию с его стороны.
Остаются Керимов с Барахоевым. pic.twitter.com/gcEAEP4sY9
Што ж тычыцца Керымава, то, паводле звестак сэрвісу MarineTraffic, яго яхта пад назвай Ice цяпер прышвартаваная ў турэцкім Мармарысе.
Тым часам у Крамлі ў скандал з Wildberries і нібы падрыхтоўкай замаху на Кадырава надумалі не ўмешвацца, параіўшы яму звярнуцца ў “праваахоўныя органы”.
А ўсё пачалося з пастановы заснавальніцы кампаніі Таццяны Кім правесці ўгоду аб яе зліцці з найбуйнейшым у РФ аператарам рэкламы Russ і развесціся са сваім мужам Уладзіславам Бакальчуком, які ў сувязі з гэтым звярнуўся па дапамогу да Кадырава.
Вынікам гэтага стала масавая бойка са стральбой каля офіса Wildberries у Маскве і забойства двух ягоных ахоўнікаў, якія былі родам з Інгушэціі.
Кадыраў ва ўсім гэтым абвінаваціў Керымава. Пры гэтым дагестанскі сенатар і мільярдэр таксама не такі ўжо просты, паколькі, як і ён сам, з'яўляецца блізкім да расейскага дыктатара Уладзіміра Пуціна.