Некалькі расейскіх «Шахедаў» заляцелі ў Беларусь

У Баранавічах паднімалі знішчальнік.

Некалькі расейскіх ударных дронаў кшталту “Шахед” заляцелі на тэрыторыю Беларусі ўначы, у Баранавічах паднімалі знішчальнік, піша “Зеркало” са спасылкай на маніторынгавы праект “Беларускі Гаюн” і ўкраінскія крыніцы.

Уночы 18 кастрычніка ў Беларусь заляцеў “Шахед”, таксама ў паветраную прастору краіны маглі трапіць яшчэ некалькі расейскіх ударных дронаў, сведчаць звесткі маніторынгавых сэрвісаў Украіны.

“Шахед”, які заляцеў, уночы знаходзіўся над Палескім радыяцыйна-экалагічным запаведнікам на Гомельшчыне. З інфармацыі “Гаюна”, дзяжурны знішчальнік ВПС Беларусі быў узняты з аэрадрома ў Баранавічах і накіраваўся на паўднёвы ўсход краіны.

Адзін з дронаў ляцеў у бок Беларусі ў раёне ўкраінскага Любеча (блізу 25 км ад беларускага Лоева), два заходзілі таксама на Чарнігаўшчыне, і яшчэ два - у раёне Камарына Брагінскага раёна.

Актыўнасць беспілотнікаў, відаць, звязана з тым, што вечарам 17 кастрычніка расейскія войскі запусцілі ўдарныя дроны на тэрыторыю Украіны. Напады працягнуліся і раніцай 18 кастрычніка.

Украінскія Паветраныя сілы УСУ паведамлялі, што на 8.30 фіксаваліся 135 варожых беспілотнікаў, былі збітыя 80 з іх.

"44 расейскія беспілотнікі лакацыйна страчаныя, два — паляцелі ў Беларусь, да 10 варожых БПЛА — у паветранай прасторы цэнтральных абласцей Украіны", — паведамлялася ў тэлеграм-канале Паветраных сіл.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]