Украіна звярнулася ў МАК праз беларускую спартоўку

Яна ўдзельнічала ў прапагандысцкіх мерапрыемствах.

Кіеў заклікаў Міжнародны алімпійскі камітэт (МАК) і Міжнародную федэрацыю барацьбы (UWW) не дапускаць да спаборніцтваў барацьбітоў з Беларусі і Расеі, паведамляе Міністэрства моладзі і спорту Украіны.

Адпаведны ліст прэзідэнту МАК Томасу Баху і прэзідэнту UWW Ненаду Лаловічу падпісалі міністр моладзі і спорту Украіны Мацвей Бедны, прэзідэнт Нацыянальнага алімпійскага камітэта Вадзім Гутцайт і кіраўнік федэрацыі барацьбы Юрый Капытка.

Размова аб спартоўцах, якія падтрымліваюць вайсковую агрэсію супраць Украіны. Да такіх украінскі бок залічвае расейскіх барацьбітоў Абдулрашыда Садулаева і Заура Угуева і беларуску Ірыну Курачкіну, бо яны «былі заўважаныя на прапагандысцкіх мерапрыемствах або ў сацсетках падтрымлівалі вайну».

«Прадстаўнікі Украіны заклікаюць Міжнародны алімпійскі камітэт захоўваць салідарнасць з украінскім народам і прыняць меры, каб не дапусціць расейскіх і беларускіх спартоўцаў да міжнародных спаборніцтваў, пакуль ідзе вайна», — гаворыцца ў звароце.

Падкрэсліваецца «недапушчальнасць удзелу спартоўцаў з гэтых краін у чэмпіянат свету аб неалімпійскіх вагавых катэгорыях у Тыране, які адбудзецца з 28 да 31 кастрычніка».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]