Міністэрства аховы здароўя запатрабавала ад прыватных аптэк павялічыць долю айчынных лекаў
14- 4.01.2024, 18:25
- 3,804
Да 40 адсоткаў.
У Міністэрстве аховы здароўя адбылася «нарада» з прадстаўнікамі 20 найбуйнейшых фармсетак усіх форм уласнасці. На ёй ішла размова аб кошце прэпаратаў, а таксама аб павелічэнні долі айчынных лекаў у прыватных аптэках, паведамляе прэс-служба ведамства.
Было адзначана, што Міністэрства аховы здароўя і іншыя зацікаўленыя ведамствы прадоўжаць кантраляваць кошты лекпрэпаратаў. Размова ідзе аб такіх катэгорыях, як імпартаваныя прэпараты, фармаванне цэн пастаўшчыкоў і фармаванне цэн у аптэках.
«На нарадзе адзначана, што ў аптэчных сетках недзяржаўнай формы ўласнасці павінна быць павялічаная доля айчынных лекпрэпаратаў да 40 адсоткаў», - гаворыцца ў паведамленні.