24 чэрвеня 2024, панядзелак, 10:24
Падтрымайце
сайт
Сім сім,
Хартыя 97!
Рубрыкі

Міністэрства аховы здароўя Беларусі скасавала рэкамендацыі пра каранавірус

4
Міністэрства аховы здароўя Беларусі скасавала рэкамендацыі пра каранавірус

Рэкамендацыі скасоўваюцца з 1 верасня.

Міністэрства аховы здароўя 28 жніўня лістом паінфармавала пра скасаванне рэкамендацый пра COVID-19 з 1 верасня гэтага года. Пра гэта паведамляе сталічны цэнтр гігіены і эпідэміялогіі.

Гаворка ідзе пра скасаванне:

рэкамендацый пра прафілактыку COVID-19 пры арганізацыі адукацыйнага працэсу;

часовых рэкамендацый пра прафілактыку заносу і распаўсюджвання COVID-19 пры арганізацыі працы аздараўленчых і санаторна-курортных арганізацый;

метадычных рэкамендацый пра прафілактыку COVID-19 у арганізацыях;

рэкамендацый пра прафілактыку каранавіруснай інфекцыі (COVID-19) у арганізацыях, якія ажыццяўляюць дзейнасць ва ўтрыманні і абслугоўванні жывёлаў;

рэкамендацый пра прафілактыку каранавіруснай інфекцыі (COVID-19) у ходзе дзейнасці рэлігійных арганізацый.

Пры гэтым ва ўстанове нагадалі, што неабходнасць выканання патрабаванняў Санітарных нормаў і правілаў «Патрабаванні да арганізацыі і правядзення санітарна-проціэпідэмічных мерапрыемстваў, накіраваных на прадухіленне заносу, узнікнення і распаўсюджвання грыпу і інфекцыі COVID-19» захоўваецца.

Сусветная арганізацыя здароўя (САЗ) скасавала рэжым надзвычайнай сітуацыяй у галіне аховы здароўя праз каранавірус у траўні 2023 года. Тады арганізацыя падкрэсліла, што пандэмія яшчэ не скончылася.

Паводле звестак САЗ, з 17 ліпеня да 13 жніўня гэтага года было зафіксавана 1,4 млн выпадкаў заражэння каранавірусам. Паведамленні пра хворых паступілі са 104 дзяржаваў. Самы вялікі рост захворвання быў зафіксаваны ў Заходне-Ціхаакіянскім рэгіёне – на 97%. У астатніх рэгіёнах, у тым ліку Еўропе, ён знізіўся.

Нагадаем, якая сітуацыя з захворваннем на каранавірусы ў Беларусі – невядома. Апошні раз Міністэрства аховы здароўя публікавала статыстыку захворвання на каранавірус 1 ліпеня 2022 года.

Напісаць каментар 4

Таксама сачыце за акаўнтамі Charter97.org у сацыяльных сетках