Рыхтуйся!

Лукашэнка стварыў першачарговую мішэнь для УСУ.

У лукашэнкаўскім Міністэрстве абароны заявілі аб тым, што забойцаў з ПВК «Вагнер» вельмі хочуць бачыць у Беларусі як настаўнікаў і інструктараў. Іх "плануецца прыцягнуць да супольнага навучання з беларускімі жаўнерамі".

Адмысловая ўвага падчас супольных трэнінгаў будзе нададзеная "метадам і спосабам вядзення баявых дзеянняў УС РБ".

Во як!

Да ведама «знаўцаў» з МА і для інфармавання грамадскасці паведамляю, што ПВК «Вагнер» прызнаная небяспечнай злачыннай арганізацыяй краінамі Еўразвязу, Вялікай Брытаніяй, Аўстраліяй, Японіяй, Канадай і ЗША.

ЗША вызначылі наймітаў як "транснацыянальную злачынную арганізацыю".

Што гэта значыць?

Перш за ўсё санкцыі, не толькі супраць саміх забойцаў ды іхніх верхаводаў, але і супраць усіх рэжымаў, кампаній і асобных асоб, якія так або інакш спрыяюць гэтым наймітам.

Злучаныя Штаты ўжо ўвялі жорсткія санкцыі супраць афрыканскіх рэжымаў і юрыдычных асоб, якія заўважаныя ў сувязях з вагнераўцамі.

З'яўленне прыгожынцаў у Беларусі будзе азначаць, што ЗША абавязаныя будуць паводле закону ўвесці санкцыі супраць афрыканскага рэжыму Лукашэнкі.

Але гэта яшчэ не ўсё. Ідзе вайна, і ў гэтых варунках злачынная арганізацыя, якая ўдзельнічае ў вайне на баку агрэсара, падлягае знішчэнню.

З'яўленне вагнераўцаў на тэрыторыі Беларусі будзе азначаць, што іхнія месцы дыслакацыі (усё адно, адасобленыя або ў складзе вайсковых часцін Беларусі) становяцца першачарговай мішэнню для ўзброеных сіл Украіны.

Рыхтуйся!

Андрэй Саннікаў, «Фэйсбук»