У Беларусі замест пробы Манту дзецям хочуць рабіць расейскі дыяскінтэст

Што гэта такое і ў чым розніца?

У Беларусі дзецям і падлеткам для дыягностыкі туберкулёзу прапануюць рабіць дыяскінтэст, распрацаваны расейскімі навукоўцамі: ён можа замяніць штогадовую пробу Манту. Дацэнтка кафедры фтызіяпульманалогіі Беларускага дзяржаўнага медыцынскага ўніверсітэта Жанна Крывашэева патлумачыла, у чым розніца паміж гэтымі тэстамі, піша партал «Здаровыя людзі».

Са слоў лекаркі, дыяскінтэст – такі ж скурны тэст, як і проба Манту. Задача ў яго аналагічная: выявіць, ці інфіцыраванае дзіця мікабактэрыямі туберкулёзу і ці ёсць прыкметы актыўнасці інфекцыі ў арганізме.

Дыяскінтэст быў распрацаваны расейскімі навукоўцамі і ў 2008 годзе афіцыйна зарэгістраваны ў Расеі. З 2014 года ён выкарыстоўваецца ў Беларусі для дыягностыкі туберкулёзу. Здаровым дзецям ад 8 да 17 гадоў тэст робяць раз нау год, а дзецям з груп рызыкі - два разы на год.

Пробу Манту, у адрозненне ад дыяскінтэст, можна праводзіць і дзецям 7 гадоў, але ў яе, са слоў лекаркі, ёсць мінусы: калі дзіця было нядаўна прышчэпленые вакцынай БЦЖ або БЦЖ-М, проба ў палове выпадкаў фальшывая станоўчая.

Іншымі словамі, калі дыяскінтэст паказвае станоўчы вынік толькі ў пацыентаў з актыўнай фазай туберкулёзнай інфекцыі, то станоўчая рэакцыя на пробу Манту можа быць і ў хворых, і ў інфікаваных туберкулёзам, і ў прышчэпленых вакцынай БЦЖ.

У дыяскінтэсту ёсць супрацьпаказанні:

Індывідуальная непераноснасць самага прэпарату: сімптомы - высокая тэмпература пасля дыяскінтэст, ацёк рукі або сып па ўсім целе.

Алергічная рэакцыя на пробу Манту ў мінулым.

Нядаўна перанесеныя пнеўманія, бранхіт ці іншая цяжкая інфекцыя. З моманту акрыяння да правядзення дыяскінтэста павінна прайсці не менш за месяц, а калі дзіця перахварэла лёгкай прастудай, працэдуру можна праводзіць адразу пасля акрыяння.

Каранцін у школе, дзіцячым садку або грып у сямейніка, у якой пражывае дзіця. Тэрміны пастаноўкі дыяскінтэсту ў гэтым выпадку будуць перанесеныя.

Абвастрэнне хранічных захворванняў і розных алергічных рэакцый (бранхіяльная астма, нейрадэрміт, экзэма і інш.).

Акрамя таго, дзецям і падлеткам, якія пакутуюць на харчовую або медыкаментозную алергію, у некаторых выпадках рэкамендуецца пяць дзён да і два дні пасля дыяскінтэст прапіць курс супрацьалергічных прэпаратаў. Гэта неабходна для таго, каб вынік быў больш дакладным.

Жанна Крывашэева адзначыла, што алергічныя рэакцыі на дыяскінтэст таксама здараюцца, хоць і рэдка. Лекарка рэкамендавала адразу пасля ін'екцыі, як і ў выпадку з кожнай прышчэпкай, пачакаць 30 хвілін каля працэдурнага кабінета.